रइपुर,10 अप्रैल 2021 शनिच्चर। कोरोना महामारी के शुरुआत ले अब तक कोरोना नियंत्रण के कईयोन उपाय बर छत्तीसगढ़ सरकार ह कतकोन अकन मद मन ले 853 करोड़ रूपिया ले अधिक राशि के आवंटन करे हावय। मुख्यमंत्री दाउ भूपेश बघेल ह प्रशासनिक अमला ले अपील करीन हवय कि वोमन दृढ़ इच्छाशक्ति के संग पीड़ित मानवता के सेवा करय। शासन -प्रशासन भरपूर संवेदनशीलता के साथ संसाधन मन के बेवस्था अउ मानीटरिंग करिंगे। कउनो प्रकार के कमी नइ होवन देहे जाही।
उल्लेखनीय हवय कि पीछू एक बछर म कोरोना ले निपटे बर मुख्यमंत्री सहायता कोष ले जम्मो 28 जिला मन ल 73.53 करोड़ रूपिया आवंटित करे गे हे । एकर छोड़ 300 करोड़ रू.जांच, दवा अउ आने उपभोग्य सामग्री मन बर 192 करोड़ रू.स्टेट डिजास्टर रिलीफ़ फंड,185 करोड़ रू.नाबार्ड सहायता, 25 करोड़ रू.लोक निर्माण विभाग,78 करोड़ रू.केंद्र-राज्य शामिलाती सहायता के शामिल हवय। ये प्रकार जांच से लेके कोविड अस्पताल मन के विकास तक, मरीज मन के देखभाल, दवा, पोषण से लेके मैदानी व्यवस्था मन तक के
जम्मो काम मन बर आर्थिक सहायता देहे गे हे ।
मुख्यमंत्री दाउ बघेल ह मुख्यसचिव यथा अतिरिक्त मुख्य सचिव (स्वास्थ्य) ल निर्देश देहे हवय कि वोमन सरलग मॉनीटरिंग करयं । नियंत्रण अउ राहत के उपाय युद्ध स्तर म सुनिश्चित करे जावय। मैदानी स्तर म पूर्ण सख्ती होवय फेर जनता ल सहानुभूति, सद्व्यवहार अउ सहयोग के संगे—संग परिस्थिति मन के सामना करे बर तियार करे जावय । सरलग जनजागरण ले ही संक्रमण के रोकथाम करे जावय।
