छत्तीसगढ़ म तेन्दूपत्ता सकेले के बूता शुरू रू चालू बछर म 16.71 लाख मानक बोरा तेन्दूपत्ता के सकेले के लक्ष्य

रइपुर, 25 अप्रैल 2021 इतवार। छत्तीसगढ़ म चालू बछर 2021 म तेन्दूपत्ता सकेलई के बूता ह शुरू होगे हे। ये पइत 16 लाख 71 हजार मानक बोरा तेन्दूपत्ता के सकेले के लक्ष्य हवय।
मुख्यमंत्री दाउ भूपेश बघेल के मंशा के अनुरूप वन अउ जलवायु परिवर्तन मंत्री श्री मोहम्मद अकबर के मार्गदर्शन म राज्य म तेन्दूपत्ता सकेलई के बूता सुचारू संचालन बर सबो आवश्यक तैयारी मन पूरा कर लेहे गे हवय। जानबा होवय कि छत्तीसगढ़ म बछर 2021 म तेन्दूपत्ता संग्रहण दर 4 हजार रूपिया प्रति मानक बोरा निर्धारित करे गे हवय। राज्य म तेन्दूपत्ता सकेलई बूता ले लगभग 13 लाख आदिवासी-वनवासी संग्राहक परिवार मन ल सोज्झे-सोझ लाभ मिलही अउ एकर संग्रहणकाल महीना मई अउ जून म दू महीना के भीतर संग्राहक मन ल 668 करोड़ रूपिया संग्रहण पारिश्रमिक के वितरण करे जाही ।
मुख्यमंत्री दाउ बघेल ह हाले मं जिलावार कोरोना संक्रमण के स्थिति के संबंध म लेहे गे समीक्षा के बेरा निर्देशित करे रिहिन हे कि राज्य म लघु वनोपज मन के सकेलई बूता ल तको सरलग जारी राखे जाय ताकि जरूरतमंद मन ल रोजगार खातिर भटके बर झन परय अउ उन्कर उपराहा आमदनी तको सुनिश्चित होवय। ये बेरा म कोेविड-19 के गाइडलाईन अउ आवश्यक सावधानी मन के पालन तको होवय।
प्रबंध संचालक राज्य लघु वनोपज संघ श्री संजय शुक्ला ह बताइन कि वर्तमान म राज्य के दंतेवाड़ा अउ सुकमा वन मंडल (जिला यूनियन) के अंतर्गत तेन्दूपत्ता सकेलई बूता चालू हे जउन मई के पहिली सप्ताह तक सभी 31 जिला यूनियन मन म चालू हो जाही। ये पइत सकेलई बछर 2020 के तुलना म 22 प्रतिशत अधिक मात्रा अउ 56 प्रतिशत अधिक मूल्य म विक्रय करे गे हे।
बलरामपुर जिला यूनियन म 85 हजार 100 मानक बोरा सर्वाधिक विभागीय संग्रहण अउ दूसरइया नम्बर म केशकाल जिला यूनियन मन ंिजहां 34 हजार 600 मानक बोरा के विभागीय संग्रहण होही । राज्य के जम्मो समिति मन म एकर बर पोषक अधिकारी अउ फड़ मुंशी मन के बेवस्था कर लेहे गे हे। सकेलई बूता बर सबो जिला यूनियन मन म हैसियन बोरा, तारपोलिन, कीटनाशक, स्टेशनरी अउ सेनेटाईजर आदि के बेवस्था कर लेहे गे हे।