कोरोना संकट म छत्तीसगढ़ के ऑक्सिजन बनीस आने राज्य मन बर संजीवनी बूटी मुख्यमंत्री दाउ भूपेश बघेल के दिशानिर्देश म उपरहा मेडिकल आक्सीजन के आने राज्य मन ल करे जावत हे आपूर्ति’

रइपुर, 25 अप्रैल 2021 इतवार। कोरोना महामारी के संकट के अइसन बेरा म छत्तीसगढ़ म उत्पादित मेडिकल ऑक्सिजन आने राज्य मन के कोरोना पीड़ित मन बर संजीवनी के काम करत हावय। मुख्यमंत्री दाउ भूपेश बघेल के दिशानिर्देश म कोविड संक्रमण के समय न केवल छत्तीसगढ़ म मेडिकल आक्सीजन के पर्याप्त आपूर्ति सुनिश्चित करे जावत हवय, भल्कुन छत्तीसगढ़ म स्थानीय उपभोग के पीछू उपरहा बाँचे मेडिकल आक्सीजन के आने जरूरतमंद राज्य मन ल तको आपूर्ति करे जावत हे।

उल्लेखनीय हवय कि 11 अप्रैल ले 24 अप्रैल तक छत्तीसगढ़ ले 2706.95 मेट्रिक टन आक्सीजन के आने राज्य मन ल आपूर्ति करकेे जरूरतमंद राज्य मन ल सहायता पहुंचाए गे हवय। 11 अप्रैल से 24 अप्रैल तक छत्तीसगढ़ ले कर्नाटक ल 16.82 मेट्रिक टन, आंध्रप्रदेश ल 176.69 मेट्रिक टन, मध्यप्रदेश को 801.22 मेट्रिक टन, गुजरात को 120.42 मेट्रिक टन, तेलंगाना ल 578 मेट्रिक टन, अउ महाराष्ट्र ल 1013.8 मेट्रिक टन मेडिकल आक्सीजन के आपूर्ति करे गे हवय।