कोदो-कुटकी प्रसंस्करण अऊ पैकेजिंग इकाई ले बाढ़त हे महिला मन के आमदनी
पैकेजिंग इकाई ले बाढ़त हे महिला मन के आमदनी
रायपुर, छत्तीसगढ़ म स्थानीय उत्पाद के प्रसंस्करण बर खुलत इकाई मन म महिला मन के आर्थिक समृद्धि के नवा दुवार खोलत हे। मुख्यमंत्री श्री भूपेश बघेल के पहल म वनांचल अऊ दूरस्थ क्षेत्र मन म घलोक स्थानीय उपज के लाभ उहां के मनखे मन ल देहे बर कई इकाई स्थापित करे गए हे। नक्सल प्रभावित नारायणपुर जिला के ग्राम पालकी म कोदो-कुटकी प्रसंस्करण काम ले जुड़कर मॉं दन्तेश्वरी महिला स्व-सहायता समूह के महिला मन के आमदनी म घलोक इजाफा होय हे। पाछू दू बछर म समूह के महिला मन ह 4 लाख 50 हजार रूपिया के कोदो कुटकी के विक्रय करके शुद्व 2 लाख 50 हजार रूपिया के आय प्राप्त करे हें। समूह के सदस्य मन ल प्रतिमाह 8 ले 10 हजार रूपिया के आय हो जात हे।
