- राजीव गांधी किसान न्याय योजना मनखे मन के जीवन म लाही बदलाव: श्रीमती सोनिया गांधी
- छत्तीसगढ़ के किसान मन के जीवन म खुशहाली के नवा दौर शुरू: श्री भूपेश बघेल
- राजीव गांधी किसान न्याय योजना के होइस शुरूआत
- 5750 करोड़ के राशि चार किश्त म किसान मन ल मिलही: पहली किश्त 1500 करोड़ रूपिया किसान मन के खाता म ऑनलाईन अंतरित
- वीडियो कांफ्रेसिंग के संग योजना के होइस शुभारंभ
रायपुर, 21 मई 2020। पूर्व प्रधानमंत्री भारत रत्न स्व.श्री राजीव गांधी के शहादत दिवस म श्रीमती सोनिया गांधी अऊ श्री राहुल गांधी के विशेष उपस्थिति म छत्तीसगढ़ सरकार के महत्वाकांक्षी योजना – राजीव गांधी किसान न्याय योजना के शुभारंभ वीडियो कांफ्रेसिंग के संग होइस। मुख्यमंत्री श्री भूपेश बघेल ह अपन निवास कार्यालय म अपन मंत्रिमण्डल के सहयोगी मन के संग ये योजना के तहत किसान मन ल देहे जाने वाला 5750 करोड़ रूपिया के राशि म ले पहिली किश्त के रूप म 1500 करोड़ रूपिया के राशि अंतरित करिन। ये कार्यक्रम म वीडियो कांफ्रेसिंग के संग वरिष्ठ नेता श्री मोतीलाल वोरा, सांसद श्री पी.एल. पुनिया, श्री रणदीप सिंह सुरजेवाला संग प्रदेश के जिला मन ले सांसद, विधायक अऊ हितग्राही कृषक सामिल होइन।
