रायपुर, मुख्यमंत्री श्री भूपेश बघेल ले आज इहां ऊंखर निवास परिसर म प्रदेश के कई ठन खेल संघ के पदाधिकारी मन ह सौजन्य मुलाकात करिन छत्तीसगढ़ ओलंपिक एसोसिएशन के सदस्य अऊ छत्तीसगढ़ टेनिस संघ के महासचिव श्री बिर चरण सिंह होरा ह मुख्यमंत्री श्री भूपेश बघेल ले छत्तीसगढ़ ओलिंपिक संघ के अध्यक्ष पद स्वीकार करे के आग्रह करिन अऊ ए सम्बन्ध म प्रस्ताव रखिन , जऊन म सबो खेल संघ के पदाधिकारी मन ह अपन सहमति प्रकट करिन।
प्रतिनिधिमंडल ह प्रदेश म खेल गतिविधि मन ल बढ़ावा देहे ले जुड़े कई ठन विषय मन उपर मुख्यमंत्री के संग विचार-विमर्श करिन अऊ खेल संघ के कई ठन मांग मन के सम्बन्ध म ओ मन ल ज्ञापन घलोक सौंपिन। प्रतिनिधि मंडल ह आगामी राष्ट्रीय खेल के आयोजन अऊ राजधानी म साउथ एशियन अंतरराष्ट्रीय फेंसिंग तलवारबाजी प्रतियोगिता के आयोजन के तैयारी मन के घलोक मुख्यमंत्री ल जानकारी दीन। मुख्यमंत्री ह प्रतिनिधि मंडल के ज्ञापन उपर सहानुभूति पूर्वक विचार करे के आश्वासन दीन।
मुलाकात के समय डॉ ए फरिश्ता , ओलंपियन राजेंद्र प्रसाद संग सर्वश्री गजराज पगारिया, अरुण सिंघानिया, बशीर अहमद खान, आरिफ शेख ,गोपाल खंडेलवाल, सहीराम जाखड़ , मोहम्मद अकरम खान, डॉ विष्णु श्रीवास्तव, डॉ आलोक दुबे, अभिजीत मिश्रा ,शरद शुक्ला, कमलजीत अरोरा, गोविंद मुदलियार, अशोक चैधरी, विनय ,राजीव जैन , जी पी तिवारी ,समीर खान ,डॉ जी डी गांधी ,एसआर सोनी ,अब्दुल रहीम, संतोष देवांगन, आरके श्रीवास्तव, विजय अग्रवाल, अयाज अहमद खान, अखिल धगत, संजय मिश्र, फिरोज अंसारी अऊ राजेश जंघेल संग बहुत अकन पदाधिकारी उपस्थित रहिन।