किसान मन ह कहिन कोरोना संकट म राजीव गांधी किसान न्याय योजना ले मिलीस बड़का सहारा

• मुख्यमंत्री ह वीडियो कॉन्फ्रेंसिंग के संग किसान मन ले लीन फीडबेक
• धमधा के धान उत्पादक, कवर्धा के गन्ना उत्पादक किसान मन, दंतेवाड़ा अऊ सूरजपुर के छोटे वनोपज संग्रहण अऊ महिला ट्राइबल मार्ट के महिला मन ले होइस चर्चा
• जबर्रा म ईको-टूरिज्म बर आवत हे पौलेण्ड, आस्ट्रेलिया अऊ न्यूजीलैण्ड के पर्यटक

रायपुर 21 मई 2020। मुख्यमंत्री श्री भूपेश बघेल ह आज ‘राजीव गांधी किसान न्याय योजना‘ के शुभारंभ के अवसर म सूरजपुर जिला के महिला स्व-सहायता समूह के सदस्य मन, धमतरी जिला के दुगली ग्राम के गांव वाले मन, दंतेवाड़ा जिला के महिला, कबीरधाम जिला के गन्ना उत्पादक किसान मन अऊ दुर्ग जिला के धान उत्पादक किसान मन ले चर्चा करिन। श्री बघेल ह ए मन ले राजीव गांधी किसान न्याय योजना संग राज्य सरकार के लघु वनोपज संग्रहण अऊ प्रसंस्करण योजना, सुपोषण अभियान, हाट बाजार योजना के संबंध म फीडबेक लीन।