गोद लेहे गांव मन म होही समावेशी मानव केन्द्रित विकास
रायपुर, राज्यपाल श्री रमेन डेका ह एक नवा पहल करत, प्रदेश के तीन गांव मन ल गोद लेहे के संकल्प लेहे हें। बेमेतरा जिला के टेमरी, गरियाबंद जिला के मड़वा डीह, खैरागढ़-छुईखदान-गंडई जिला के सोनपुरी गांव ल गोद लेहे बर चयन करे गए हे। ए गांव मन म केंद्र अऊ राज्य सरकार के कई ठन फ्लेगशिप योजना मन बर समुदाय ल सामिल करत ग्रामीण क्षेत्र मन के सामाजिक-आर्थिक अऊ पर्यावरणीय विकास के पहल करे जाही। एखर बर अलग से कोनो राशि के आबंटन नइ करे जाए, भलुक कई ठन योजना मन म उपलब्ध राशि के समुचित उपयोग अउ निगरानी ले ही ये काम करे जाही। गांव मन ल गोद लेहे ले सरकार के कई ठन कल्याणकारी योजना मन ल लागू करे म ‘मानव-केंद्रित‘ दृष्टिकोण के संग गांव मन के समावेशी विकास के उद्देश्य उपर जादा जोर देहे जा सकही।
राज्यपाल श्री डेका ह जेन गांव मन ल गोद लेवत हें ओमां जल संरक्षण, हरित आवरण बढ़ाना, शिक्षा ,स्वास्थ्य अउ पोषण, आजीविका, सामाजिक सुरक्षा, सतत् कृषि, विरासत अउ संस्कृति के संरक्षण उपर विशेष ध्यान दे जाही। जल संरक्षण बर अमृत सरोवर बनाए अउ नरेगा अउ जल जीवन मिशन ले काम कराए, कैम्पा, नरेगा, वृक्षारोपण अभियान के संग हरित आवरण बढ़ाए, प्राथमिक अउ माध्यमिक स्कूल मन म पढ़ईया लईका मन के शाला छोड़े के दर ल कम करे बर स्कूल मन म अभिभावक मन के संग मीटिंग करे, पुस्तकालय मन म शिक्षाप्रद अउ आकर्षक पुस्तक रखे, एनसीसी, स्कूल के जीर्णोंद्धार आदि काम मन म ध्यान दे जाही। गांव वाले मन के स्वास्थ्य के बेहतरी अउ पोषण बर टी बी उन्मूलन, स्वच्छता अभियान, आईसीडीएस उपर जोर रहिही। गांव वाले मन के आजीविका बढ़ाए बर एनआरएलएम, स्व सहायता समूह, कौशल प्रशिक्षण, ग्रामीण उद्यमिता सामाजिक सुरक्षा के क्षेत्र म बुजुर्ग अउ दिव्यांग मन के देखभाल, नशा मुक्ति अऊ पुनर्वास केंद्र, मानसिक स्वास्थ्य म ध्यान दे जाही। कृषि म सुधार बर जैविक खेती, पारंपरिक कृषि, मृदा स्वास्थ्य कार्ड, विरासत अऊ संस्कृति-स्थानीय अऊ ग्रामीण पर्यटन, विरासत स्थल के संरक्षण बर सामुदायिक प्रयास करे जाही।
राज्यपाल श्री डेका ह लीन तीन गांव ल गोद
