दू वकील बनिस भाड़ा नियंत्रण बोर्ड के सदस्य

रायपुर, 24 अगस्‍त 2021। छत्तीसगढ़ शासन के उप सचिव सी. तिर्की ह छत्तीसगढ़ भाड़ा नियंत्रण अधिकरण के सदस्य मन के नियुक्ति आदेश जारी करे हे, जेमां दू कांग्रेस प्रवक्ता अधिवक्ता के नाम सामिल हे। आदेश म लिखे गए हे के छत्तीसगढ़ भाड़ा नियंत्रण अधिनियम, 2011 के धारा 6 (3) के मुताबिक राज्य शासन ह अधिवक्‍ता सुशील कुमार शुक्‍ला अऊ अधिवक्‍ता अब्‍दुल मुइज ल कार्यभार ग्रहण करे के दिनांक ले अस्थायी रूप ले आगामी आदेश तक छत्तीसगढ़ भाड़ा नियंत्रण अधिकरण के सदस्य के पद म नियुक्त करे गए हे।