रायपुर, मुख्यमंत्री श्री भूपेश बघेल ले आज इहां मंत्रालय (महानदी भवन) म छत्तीसगढ़ प्रदेश राईस मिलर्स एसोसिएशन के प्रतिनिधि मंडल ह एसोसिएशन के नवनिर्वाचित अध्यक्ष श्री कैलाश रूंगटा के नेतृत्व म मुलाकात करिस।
उमन कस्टम मिलिंग के काम ले जुड़े कई ठन विषय मन उपर मुख्यमंत्री के संग विचार-विमर्श करिन। प्रतिनिधि मंडल ह अपन कई ठन मांग मन के संबंध म मुख्यमंत्री ल ज्ञापन घलोक सौंपिन। मुख्यमंत्री ह ऊंखर ज्ञापन म सहानुभूतिपूर्वक विचार करे के आश्वासन दीन। ये बेरा म सहकारिता मंत्री डॉ. प्रेमसाय सिंह टेकाम, खाद्य मंत्री श्री अमरजीत सिंह भगत, मुख्य सचिव श्री सुनील कुमार कुजूर, मुख्यमंत्री के प्रमुख सचिव श्री गौरव द्विवेदी अऊ खाद्य विभाग के सचिव डॉ. कमलप्रीत सिंह घलोक उपस्थित रहिन।
मुख्यमंत्री ह छत्तीसगढ़ प्रदेश राईस मिलर्स एसोसिएशन के नवनिर्वाचित अध्यक्ष श्री कैलाश रूंगटा, महामंत्री श्री प्रमोद अग्रवाल, कोषाध्यक्ष श्री नरेश सोमानी संग कार्यकारिणी के नवनिर्वाचित सदस्य मन ल बधाई अऊ शुभकामना दीन। ये बेरा म एसोसिएशन के कार्यकारिणी के सदस्य सर्वश्री बांके अग्रवाल, भोलाराम मित्तल, विकास अग्रवाल, राजीव लुंकड़, दिलीप अग्रवाल अऊ मोहन अग्रवाल घलोक उपस्थित रहिन।
