छत्तीसगढ़ संस्कृत विद्यामंडलम् के परीक्षा परिणाम घोषित

रायपुर, छत्तीसगढ़ संस्कृत विद्यामंडलम् कोति ले 2019 म आयोजित परीक्षा मन के परिणाम घोषित कर दीए गये हे। पास होवईया पढ़ईया लईका मन के प्रतिशत 94.85 रहिस। परीक्षा म संघरे कुल 3,110 म ले 2950 परीक्षार्थी उत्तीर्ण घोषित करे गये हे।

छत्तीसगढ़ संस्कृत विद्यामण्डलम् कोति ले आयोजित 2019 के परीक्षा मन के परिणाम के घोषण आज छत्तीसगढ़ संस्कृत विद्यामंडलम् के सचिव डॉ. सुरेश कुमार शर्मा ह विद्यामंडलम् के कार्यालय म करिन। ए साल घलोक परीक्षा के परिणाम 94.85 प्रतिशत रहिस, ए परीक्षा मन के आयोजन मार्च महिना म कई ठन केन्द्र मन म होए रहिस। जेमा 3110 परीक्षार्थी सामिल होए रहिन। परीक्षा परिणाम के मुताबिक पूर्व मध्यमा पहिली साल (9वीं) म कुल 1069 म ले 945, पूर्व मध्याम दूसर (10वीं) म कुल 831 म ले 814, उत्तर मध्यमा पहिली साल (11वीं) के 669 म ले 656 अऊ उत्तर मध्यमा दूसर साल (12वीं) म सामिल 541 म ले 535 परीक्षार्थी पास होइन।

ए अवसर म सहायक संचालक (परीक्षा) श्री चन्द्रभानु वर्मा, सहायक संचालक श्री लक्ष्मण प्रसाद साहू संग कई ठन संस्कृत विद्यालय मन के प्रधानाचार्य घलोक उपस्थित रहिन।