मुख्यमंत्री श्री भूपेश बघेल ह 1 लाख 35 हजार 104 बेरोजगार युवा मन ल बाटिस बेरोजगारी भत्ता
योजना के तहत अभी तक हितग्राही मन ल मिल गए हे 182 करोड़ 47 लाख 2 हजार 500 रूपिया के बेरोजगारी भत्ता
श्री बघेल ह शिक्षक, आईटीआई प्रशिक्षण अधिकारी अउ छात्रावास अधीक्षक ब चयनित अभ्यर्थी मन ल वितरित करिस नियुक्ति पत्र
रायपुर, 30 सितंबर 2023
मुख्यमंत्री श्री भूपेश बघेल ह आज राजधानी रायपुर स्थित निवास कार्यालय से छत्तीसगढ़ के 01 लाख 35 हजार 104 शिक्षित बेरोजगार हितग्राही मन ल 35 करोड़ 48 लाख 7 हजार 500 रुपिया के बेरोजगारी भत्ता सीधा उकर बैंक खाता में अंतरित करिस। बेरोजगारी भत्ता योजना के अंतर्गत अभी तक छै किस्त में हितग्राही मन ल 182 करोड़ 47 लाख 2 हजार 500 रूपिया के बेरोजगारी भत्ता दिए जा चुका हे।
बेरोजगारी भत्ता योजना के अंतर्गत अप्रेल महीना से अभी तक 2 लाख 1 हजार 4 सौ 43 आवेदन मिले हे जेमा से 94 फीसदी अर्थात 1 लाख 79 हजार 494 आवेदन ल स्वीकृति ब अनुशंसित कर दिए गय हे। जबकि शेष 6 फीसदी अभ्यर्थी भौतिक सत्यापन में अनुपस्थित रहिस हे। बेरोजगारी भत्ता के लाभ लेहे वाले अभ्यर्थी में से 39 फीसदी महिला हे जबकि 83 फीसदी अभ्यर्थी ग्रामीण वर्ग से हे।
मुख्यमंत्री ह युवा मन ल संबोधित करत हुए कहिस कि ए योजना के उद्देश्य शिक्षित बेरोजगार मन ल केवल आर्थिक संबल प्रदान करना भर नई हे, बल्कि हमर लक्ष्य उमन ल रोजगार अउ स्वरोजगार से जोड़ना घलो हे। ओ ह कहिस कि योजना के हितग्राही मन ब कौशल प्रशिक्षण के व्यवस्था घलो करे गए हे, ताकि उमन अपन कौशल ल निखारत हुए रोजगार अउ स्वरोजगार के अवसर के लाभ उठा सकें।
