किसान, गँवइहा अउ मजदूर मन के हित छत्तीसगढ़ सरकार के पहिली प्राथमिकता 

किसान, गँवइहा अउ मजदूर मन के हित छत्तीसगढ़ सरकार के पहिली प्राथमिकता

महिला अउ बाल विकास मंत्री ह डौण्डीलोहारा विकासखण्ड के 6 ठिन गांव म अबड़ अकन विकास कार्य मन के करीन भूमिपूजन

रइपुर, 11 जुलाई 2022

प्रदेश के महिला अउ बाल विकास अउ समाज कल्याण मंत्री श्रीमती अनिला भेंडिया ह कहिन कि किसान, गँवइहा अउ मजदूर मन के हित छत्तीसगढ़ सरकार के पहिली प्राथमिकता हवय। श्रीमती भेंड़िया ह  आज बालोद जिला के डौण्डीलोहारा विकासखण्ड के ग्राम कोटेरा, गंजईडीह, संजारी, आलीवारा अउ सिरपुर म अबड़ अकन निर्माण कार्य मन के भूमिपूजन करे के पीछु ये आशय के विचार प्रकट करिन।

प्रदेश के महिला अउ बाल विकास अउ समाज कल्याण मंत्री श्रीमती अनिला भेंडिया ह येह बेरा म ग्राम कोटेरा अउ ग्राम गंजईडीह म सामुदायिक भवन निर्माण, ग्राम संजारी म सी.सी.रोड निर्माण, हाईमास्क लाईट स्थापना अउ तालाब सौंदर्यीकरण कार्य, ग्राम भरनाभाट म मंगल भवन निर्माण कार्य, ग्राम आलीवारा म सी.सी.रोड निर्माण कार्य, ग्राम सिरपुर म सी.सी.रोड निर्माण कार्य के भूमिपूजन करिन।

ये बेरा म मंत्री श्रीमती भेंड़िया ह कहिन कि मुख्यमंत्री दाऊ भूपेश बघेल सँऊहत किसानहा बेटा हरे। तेकर सेति किसान के वास्तविक जरूरत मन ल भलीभांति समझथे तेकरे पाय के वोमन समर्थन मूल्य म धान खरीदी, किसान मन ल इनपुट सब्सिडी बर राजीव गांधी किसान न्याय योजना अउ किसान मन के ऋणमाफी जइसन महत्वपूर्ण निर्णय लिन।

मंत्री श्रीमती भेंड़िया ने कहिन कि गँवई क्षेत्र मन म स्वास्थ्य सुविधा मुहैया कराए बर मुख्यमंत्री हाट बाजार क्लीनिक योजना के संचालन करे जावत हे जेमे हाट बाजार मन म स्वास्थ्य विभाग के दल कोति ले लोगन ल स्वास्थ्य जांच अउ उपचार करके उन मन ल दवई तको देहे जाथे। येकर ले लोगन ल बने असन स्वास्थ्य सुविधा उन्करे गाँवेच म मिलत हे। उन मन कहिन कि गोधन न्याय योजना के संचालन ले अब गोठान मन म गोबर खरीदी करे जात हे,येकर ले पशुपालन करइया किसान मन ल लाभ मिलत हावय। मंत्री श्रीमती भेंड़िया ह ग्रामीण मन के मांग अउ समस्या मन ल तको सुनिन अउ उकर  उचित निराकरण के भरोसा तको देवइन।