मुख्यमंत्री -कइसे हस नोनी ? छात्रा – आई एम फाईन।

रइपुर, 28 जून 2022
छत्तीसगढ़ सरकार के महत्वाकांक्षी स्वामी आत्मानंद उत्कृष्ट अंग्रेजी माध्यम स्कूल अब बदलाव के झलक देखाए लगे हवय। भरतपुर के स्वामी आत्मानंद अंग्रेजी माध्यम स्कूल के छात्रा श्रद्धा कुशवाहा ह आज मुख्यमंत्री दाऊ भूपेश बघेल कोति ले छत्तीसगढ़ी म पूछे गे सवाल मन के जवाब फर्राटेदार अंग्रेजी म दीन। कोरिया जिला के भरतपुर-सोनहत विधानसभा क्षेत्र के बहरासी मे लोगन मन ले भेंट-मुलाकात के दौरान मुख्यमंत्री दाऊ बघेल ह स्वामी आत्मानंद अंग्रेजी माध्यम स्कूल के छात्रा ले गोठियाइस अउ छत्तीसगढ़ी म प्रश्न पूछीस।
भरतपुर स्वामी आत्मानंद अंग्रेजी माध्यम स्कूल के छात्रा श्रद्धा ह मुख्यमंत्री के प्रश्न मन के अंग्रेजी म उत्तर देवत कहीन कि उँखर स्कूल अच्छा हवय अउ उहां के माहौल तको बढ़िया हवय। स्कूल म अंग्रेजी सीखे-सिखाए के बने वातावरण हवय, जउन हमार भविष्य बर अच्छा हवय। मुख्यमंत्री ह स्कूल के लइका मन ल बधाई देवत उँखर हौसला अफजाई तको करीन।