मुख्यमंत्री श्री भूपेश बघेल ह विधानसभा के शीतकालीन सत्र के समापन सत्र ल संबोधित करत कहिन कि छत्तीसगढ़ विधानसभा ह बहुत अकन गौरवशाली संसदीय परम्परा स्थापित करे हे। सत्र के समय सदन म सबो विषय म चर्चा होईस। संविधान दिवस के मौका म विधानसभा म सार्थक चर्चा होईस। सत्र के समय महात्मा गांधी उद्यानिकी अउ वानिकी विश्वविद्यालय विधेयक अऊ शहीद नंदकुमार पटेल विश्वविद्यालय विधेयक चर्चा के बाद पारित होइस।
उमन कहिन कि शीतकालीन सत्र म सदस्य मन ह प्रदेश के किसान अऊ मजदूर मन के विसय म सदन म अपन बात रखिन अऊ उंखर समस्या मन ल रखे के सफल प्रयास करिन। उमन कहिन कि दूसर अनुपूरक बजट चर्चा के बाद पारित करे गीस। ये मां सबो सदस्य मन के अहम भूमिका हे। मंत्रिमण्डल के सदस्य मन कोति ले चर्चा म सबो सदस्य मन ल संतुष्ट करे के प्रयास करे गीस। मुख्यमंत्री ह सदन के कार्रवाई के संचालन म मार्गदर्शन बर विधानसभा अध्यक्ष संग सबो सदस्य मन कोति ले देहे गए सहयोग बर ओ मन ल धन्यवाद दीन। श्री बघेल ह विधानसभा सचिवालय के अधिकारी-कर्मचारी मन, राज्य सरकार के अधिकारी-कर्मचारी मन, सुरक्षा बल मन के अधिकारी-कर्मचारी मन, मीडिया प्रतिनिधि मन कोति ले देहे गए सहयोग बर धन्यवाद दीन।
