रात म महिला मन के सुरक्षित कदम बर महिला आयोग कोति ले पॉवर वॉक के आयोजन
रायपुर, 29 फरवरी 2020। सार्वजनिक जगा मन म रात कन महिला मन के उपस्थिति ल सामान्य बनाए अऊ मनखे मन ल सड़क म महिला मन के सुरक्षा के प्रति जागरूक करे के उद्देश्य ले राजधानी म एक मार्च के महिला अउ बाल विकास मंत्री अऊ छत्तीसगढ़ राज्य महिला आयोग के अध्यक्ष श्रीमती अनिला भेंडिया के उपस्थिति म करीबन 1500 महिला मन पावर वाक करहीं। राष्ट्रीय अऊ राज्य महिला आयोग कोति ले राजधानी के मरीन ड्राइव म एक मार्च ल संझा 7 बजे ले 8 बजे के बीच पावर वाक कार्यक्रम के आयोजन करे गए हे। जादा ले जादा महिला, युवति अऊ किशोरी मन ले ये ऐतिहासिक पहल के हिस्सा बने के अपील करे गए हे।