#CGBusinessEasy एक्स म देशभर म छाइस, छत्तीसगढ़ के नवा औद्योगिक पहल ल जबरदस्त सराहना

रायपुर, छत्तीसगढ़ इंडस्ट्री डायलॉग-2 ह सोशल मीडिया म अभूतपूर्व लोकप्रियता हासिल करे हे। राजधानी रायपुर म आयोजित ए कार्यक्रम के समय #CGBusinessEasy हैशटैग ह माइक्रोब्लॉगिंग प्लेटफॉर्म एक्स म पूरा दिन भारत म शीर्ष ट्रेंड्स म अपन प्रमुख जगा बनाए रखिस। ये ट्रेंड ए बात के प्रमाण हे के छत्तीसगढ़ म ईज ऑफ डूइंग बिजनेस के नवा पहल ह देशभर के उद्योग जगत अऊ नागरिक मन के ध्यान आकर्षित करे हे।
सोशल मीडिया म 6000 ले जादा पोस्ट करे गीस, जेमें बड़ संख्या म उद्योगपति, निवेशक मन अऊ नीति-विशेषज्ञ मन ह वन किलिक सिंगल विंडो सिसटम 2.0 अऊ ऑनलाइन जमीन आबंटन अउ प्रबंधन प्रणाली के सराहना करिन। यूजर्स मन ह ए पहल ल छत्तीसगढ़ ल भारत के अगला निवेश अऊ औद्योगिक हब बनाए के दिशा म एक निर्णायक कदम बताइन।
बहुत अकन एक्स यूजर्स मन ह मुख्यमंत्री श्री विष्णु देव साय के नेतृत्व क्षमता ल सराहत लिखिन के छत्तीसगढ़ ह जेन पारदर्शी अऊ डिजिटल व्यवस्था लागू करे हे, वो आन राज्य मन बर रोल मॉडल बन सकत हे। कुछ पोस्ट्स म ए बात उपर जोर देहे गीस के प्रदेश म रिकॉर्ड समय म निवेश स्वीकृति, जमीन आवंटन अऊ सब्सिडी वितरण जइसे काम अब एक किलिक म पूरा होही, जेखर से निवेशक मन के विश्वास बाढ़े हे।
ट्रेंड म भाग लेवइया मन ह छत्तीसगढ़ के नवा औद्योगिक नीति ल प्रगतिशील अऊ दूरदर्शी बताइन। कई यूजर्स ह ये घलोक लिखिन के राज्य सरकार के लॉजिस्टिक नीति, जन विश्वास विधेयक अऊ बस्तर व सरगुजा जइसन क्षेत्र मन के विकास संबंधी घोषणा मन ह छत्तीसगढ़ ल पूरा देश म चर्चा के विसय बना देहे हे। ये ट्रेंड छत्तीसगढ़ के खातिर बढ़त निवेशक रुचि अऊ सकारात्मक भावना के प्रमाण हे। सोशल मीडिया म होए जबरदस्त रिस्पॉन्स ले स्पष्ट हे के छत्तीसगढ़ अब तेजी से निवेशक मन के पहली पसंद बनइया हे।