सेन्ट्रल पूल म छत्तीसगढ़ के कोटा 24 लाख मीट्रिक टन ले बढ़ाके करे गीस 28.1 मीट्रिक लाख टन
रायपुर, 08 जून 2020/ मुख्यमंत्री श्री भूपेश बघेल के विशेष पहल म केन्द्र सरकार ह छत्तीसगढ़ ले सेन्ट्रल पूल म चाँउर लेहे के कोटा 24 लाख मीट्रिक टन ले बढ़ाके 28.1 लाख मीट्रिक टन कर देहे हे। छत्तीसगढ़ ले अब सेन्ट्रल पूल म एफसीआई 28.1 लाख मीट्रिक टन चावल लेही।
मुख्यमंत्री श्री भूपेश बघेल ह प्रधानमंत्री अऊ केन्द्रीय खाद्य मंत्री श्री रामविलास पासवान ल चिठ्ठी भेजके छत्तीसगढ़ ले सेन्ट्रल पूल म 31 लाख मीट्रिक टन चावल लेहे के अनुरोध करे रहिन। मुख्यमंत्री ह ए संबंध म के़न्द्रीय खाद्य मंत्री ले मिलके छत्तीसगढ़ के कोटा बढ़ाए के अनुरोध करे रहिन। मुख्यमंत्री के अनुरोध म केन्द्र सरकार ह छत्तीसगढ़ ले चाँउर लेहे के कोटा बढ़ा देहे हे।
खाद्य मंत्री श्री अमरजीत भगत ह बताइस के छत्तीसगढ़ म खरीफ विपणन साल 2019-20 म किसान मन ले 83 लाख मीट्रिक टन धान के खरीदी करे गए हे। छत्तीसगढ़ म सार्वजनिक वितरण प्रणाली के माध्यम ले वितरण के बाद बांचे चाँउर ल केन्द्रीय पूल म लेहे के अनुरोध केन्द्र सरकार ले करे गए रहिस। मुख्यमंत्री श्री भूपेश बघेल प्रदेश के किसान मन के हित म केन्द्रीय पूल म चाँउर के कोटा बढ़ाए बर लगातार प्रयास करत रहिन। मुख्यमंत्री के ए पहल म केन्द्रीय खाद्य मंत्रालय ले छत्तीसगढ़ ले 24 लाख मीट्रिक टन ले बढ़ाके अब 28.1 लाख मीट्रिक टन चाँउर लेहे के स्वीकृति दे गए हे।
