जशपुरनगर, नेहा राठौर के खबर/ रूबन मिशन के अंतरगत पत्थलगांव विकासखण्ड के गांव पालिडीह गौठान म स्व सहायता समूह के महिला मन चैन फैनसिंग यूनिट अउ इंटर पेवर ब्लॉक निरमान करके आत्मनिरभर बनत हे।
कौसल बिकास बिभाग के सहायक संचालक ह जानकारी बतात हुए कहिस के गांव पालिडीह गौठान म सहेली स्व सहायता समूह के 13 झन महिला इंटर पेवर ब्लॉक निरमान अउ दुरगा स्व सहायता समूह के 10 झन महिला मन चैन फैनसिंग यूनिट निरमान काम के प्रसिक्षन लेवत हे।
ए तकनीकी बुता के प्रसिक्षन लेहे म जम्मो महिला मन अबड़ उत्साहित हे प्रसिक्षन लेत हुए संगे संग ओमन उत्पाद के निरमान घलो खुदे मन ही करत हे। स्व सहायता समूह की महिला मन ओमन ल अइसनहे अवसर दिए ब जिला प्रशासन के आभार व्यक्त करत हे।