रायपुर, छत्तीसगढ़ राज्य हज कमेटी के अध्यक्ष श्री मोहम्मद असलम खान ह मुख्यमंत्री श्री भूपेश बघेल ले ऊंखर निवास कार्यालय म सौजन्य मुलाकात करके हज 2020 के तैयारी मन के संबंध म जानकारी दीन। मुख्यमंत्री श्री बघेल ह हज कमेटी के अध्यक्ष श्री मोहम्मद असलम खान ल मुबारकबाद देवत प्रदेश के हज यात्री मन बर हज कमेटी कोति ले करे जात व्यवस्था के सराहना करिन। श्री बघेल ह हज यात्री मन ल जादा ले जादा सुविधा देवाए बर हुकुम दीन। ये बेरा म श्री रामगोपाल अग्रवाल, श्री शिव सिंह ठाकुर, श्री अजय साहू, श्री सन्नी अग्रवाल, श्री शमीम अख्तर, श्री राजेश चौबे, श्री मोहम्मद तनवीर खान, श्री इरफान मलिक आदि मौजूद रहिन।
मुख्यमंत्री ल प्रदेश हज कमेटी के अध्यक्ष श्री मोहम्मद असलम खान ह बताइन कि, हज 2020 बर राज्य ले 469 हज यात्री मन के चयन हो गए हे। हज यात्री मन ल ये साल ले ऊंखर कोति ले यात्रा के रकम जमा करे के कंफर्मेशन बर तुरंते एस.एम.एस. के माध्यम ले सूचना देहे के व्यवस्था करे गए हे। उमन बताइस कि ये प्रक्रिया इही साल ले चालू करे जात हे, जेखर से हज यात्री मन ल ऊंखर कोति ले जमा करे जवइया राशि के कंफर्मेशन तुरंते उपलब्ध रइही।