रायपुर, 17 जून 2024। मुख्यमंत्री श्री विष्णुदेव साय आज अपन गृह जिला जशपुर के ग्राम बन्दरचुंआ पहुंचिन। इहां ओ मन अपन चचेरा भाई अउ जशपुर नगर पालिका के अध्यक्ष स्व. श्री नरेश चंद्र साय के दशगात्र कार्यक्रम म सामिल होइन। सपत्नीक ऊंखर घर पहुंचके मुख्यमंत्री साय ह ओ मन ल भावपूर्ण श्रद्धांजलि दीन अऊ दिवंगत आत्मा के शांति बर ईश्वर ले प्रार्थना करिन। मुख्यमंत्री ह सबो परिजन मन ले मिलके ओ मन ल सांत्वना दीन।
ए बेरा म मुख्यमंत्री श्री साय ह कहिन कि स्व. श्री नरेश चंद्र साय जी मोर चचेरा भाई अऊ पूर्व केंद्रीय मंत्री स्व. नरहरी साय जी के पुत्र रहिन। आज ओ मन हमार बीच नइ हे ये हमार बर दुःखद क्षण हे। ए दुःख के घड़ी म में दिवंगत आत्मा के शांति बर ईश्वर ले मैं प्रार्थना करत हंव। स्व. श्री नरेश चंद्र जी जशपुर नगर पालिका के अध्यक्ष रहिन। जनप्रिय नेता स्व. श्री नरेश जी क्षेत्र के विकास बर हमसा समर्पित रहिन। जानबा हे के विगत 06 जून के श्री नरेश चंद्र साय जी के निधन हो गए रहिस।