चमेली ह किराना दुकान ल बनाईस घर में ही रोजगार के जरिया

8 हजार रुपिया ले जादा होवत हे मासिक आमदनी
जगदलपुर, 04 सितम्बर 2023
राष्ट्रीय ग्रामीण आजीविका मिशन ग्रामीण इलाका के स्व सहायता समूह के महिला मन ल आर्थिक रूप से सशक्त बने ब एक कारगर योजना साबित होवत हे। ए योजना के सहायता ले जिहां स्व सहायता समूह के महिला मन अपन बचत ल बढ़ावा देवत हे, उहें विभिन्न आर्थिक गतिविधि के माध्यम ले आय संवृद्धि कर घर-परिवार ल खुशहाली के डहर आघू लेके जाथ हे।
जगदलपुर शहर के समीपस्थ आसना ले रहे वाली चमेली ह अपन पति के द्वारा 2017 में सुरू करे गए किराना दुकान जब 2018 में पति के लकवा पीड़ित होए म बन्द होइस त विषम परिस्थिति के बावजूद हिम्मत नई हारिस। ओ ह ए बेरा म राष्ट्रीय ग्रामीण आजीविका मिशन के बिहान योजना में गांव कस महिला म द्वारा गठित मां दुर्गा स्व सहायता समूह ले जुड़ के छोट-छोट बचत अउ समूह के आर्थिक गतिविधि में सक्रिय सहभागिता निभाए लगिस अऊ बिहान ले उप योजना राष्ट्रीय ग्रामीण आर्थिक परिवर्तन योजनान्तर्गत प्रशिक्षण लेके 50 हजार रुपिया ऋण से अपन पति के द्वारा सुरू करे किराना दुकान ल फेर चालू करिस। ए दिशा में चमेली ह स्थानीय जरूरत के अनुरूप दुकान में आवश्यक सामग्री रखे लगिस अऊ किराना दुकान ल बेहतर ढंग ले चलाए म ध्यान केंद्रीत करिस। चमेली बतात हे कि रोजमर्रा के जरूरी जिनिस ल किफायती दर म सुलभ कराए के सोच के चलते जगदलपुर शहर के थोक विक्रेता करा ले सामान मंगवाना सुरू करिस। जेकर से ओकर बेचरी बने होए लगिस अउ आमदनी घलो बने होए लगिस जेकर हर महीना 8 हजार रुपिया ले जादा के आय होवत हे।