प्रदेश के कई हिस्सा म आज अउ काली बारिश होय के संभावना

रायपुर, 12 जुलाई 2020। प्रदेश म रविवार अउ सोमवार के जादातर हिस्सा मन म हल्का ले मध्यम बारिश होय के संभावना हे। मौसम केंद्र के अनुसार दक्षिण-पूर्व उत्तर प्रदेश ले दक्षिण छत्तीसगढ़ तक द्रोणिका हे। हवा के कम दबाव के ये पट्टी के सेती ले समुद्र ले बड़का मात्रा म नमी पहुंचत हे। सोमवार के घलो कई स्थान मन म हल्का ले मध्यम वर्षा होय या गरज-चमक के संग छींटा पड़े के संभावना हे। मौसम वैज्ञानिक मन के अनुसार राज्य म जादातर जगह मन म दिन के तापमान अभी सामान्य ले अधिक हे। शनिवार के दुर्ग म दिन के तापमान 34.6 डिग्री दर्ज करे गए हे। ये सामान्य ले चार डिग्री जादा हे। रायपुर म घलो पारा 33.6 डिग्री रिहिस। ये घलो सामान्य ले दू डिग्री अधिक हे। एखर अलावा बिलासपुर, पेंड्रारोड, अंबिकापुर, जगदलपुर अउ राजनांदगांव आदि शहर मन म दिन म पारा 31 ले 34 डिग्री के बीच दर्ज करे गिस। राज्य के बाकी शहर मन म घलो ये सामान्य ले एक-दू डिग्री अधिक ही बने हे। लालपुर मौसम केंद्र के मौसम विज्ञानी एचपी चंद्रा के अनुसार रविवार के राजधानी म दिन के तापमान 34 डिग्री के आसपास रही। एखर सेती देर शाम या रात म गरज-चमक के संग बारिश हो सकत हे।