लईका मन ल मिलिस अपन नवा स्कूल भवन
उमंग ले खिल उठिस लईका मन के मुख जब अपने हाथ ले करिस स्कूल भवन के उद्घाटन
रायपुर, 14 जुलाई 2023
बस्तर जिला के अतिसंवेदनशील क्षेत्र चांदामेटा प्राथमिक शाला ल पहिली बार स्वयं के स्कूल भवन मिलिस हे। प्रशासन ह ए अतिसंवेदनशील क्षेत्र म संवेदनशील पहल करत हुए नवा स्कूल भवन के उद्घाटन स्कूली छात्र मन के हाथ म कराइस। अपने हाथ म अपन नवा स्कूल भवन के लोकार्पण करत समे लईका मन के मुख ह उमंग ले खिल उठिस। अइसे लागत रहिस जईसे इहां लईका मन ही विशिष्ट अतिथि हे अउ उपस्थित अधिकारी अउ ग्रामीण सब झन उमन के हौसला बढ़ात हे।
नक्सल हिंसा ले कभू प्रभावित रहे चांदामेटा आज शिक्षा अउ सामाजिक स्तर म आघू बाढ़त हे। सरकार के पहल ले इहां न केवल स्कूल नियमित रूप ले चलाय जाथ हे बल्कि पढ़ई ब लईका मन घलो दुर्गम क्षेत्र ले ईहां आत हे। चांदामेटा म स्कूल भवन ब जमीन किसान श्री आयता मरकाम ह अपन जमीन दान म दिए हे जेकर से लईका मन ल गांव म ही बेहतर शिक्षा के अनुकूल माहौल मिल सकय। स्कूल के उद्घाटन कार्यक्रम म अधिकारी अउ ग्रामीण मन ह श्री आयता ल स्कूल भवन ह जमीन दान म देहे ह धन्यवाद दिस अउ पुष्पगुच्छ दे के उकर सम्मान करिस।
जिला प्रशासन के अधिकारी मन ह बताइस के ग्रामीण मन के मांग म प्रशासन कती ले चांदामेटा ब सड़क, स्कूल, आंगनबाड़ी के सुविधा दिए गए हे अउ आघू घलो विकास के दूसर सुविधा उपलब्ध करवाए जाही। एकर ले पहिली कैंप म स्कूल संचालित करे जात रहिस हे अब भवन बने ले लईका मन ल सुविधा होही।
Success story
Neha Rathore
