पावनधरा चंदखुरी म मुख्यमंत्री ह मंत्रीगण के संग माता कौशल्या के विशेष पूजा-अर्चना करिन

रायपुर, 18 दिसम्‍बर 2020। राम वन गमन पर्यटन परिपथ के अंतर्गत काली पर्यटन रथ अऊ बाईक रैली के समापन अवसर म मुख्यमंत्री श्री भूपेश बघेल ह अपन मंत्रीगण के संग माता कौशल्या के विशेष पूजा अर्चना करिन। एखर बाद उमन छत्तीसगढ़ राज्य के श्री राम वन गमन पथ के 9 जगा ले लाये गए माटी ले मंदिर परिसर म नौ रुद्राक्ष पौधा के रोपण करिन।
ये बेरा म लोक निर्माण, गृह, धर्मस्व अऊ पर्यटन मंत्री श्री ताम्रध्वज साहू, पंचायत अऊ ग्रामीण विकास मंत्री श्री टी.एस. सिंहदेव, कृषि अऊ जैव प्रौद्योगिकी अऊ जल संसाधन मंत्री श्री रविन्द्र चौबे, आदिम जाति अऊ अनुसूचित जाति विकास अऊ स्कूल शिक्षा मंत्री श्री प्रेमसाय सिंह टेकाम, वाणिज्य अऊ उद्योग मंत्री श्री कवासी लखमा, नगरीय प्रशासन मंत्री श्री शिवकुमार डहरिया, महिला अऊ बाल विकास अऊ समाज कल्याण मंत्री श्रीमती अनिला भेड़िया, राजस्व अऊ आपदा प्रबंधन मंत्री श्री जयसिंह अग्रवाल, उच्‍च शिक्षा मंत्री श्री उमेश पटेल, संस्कृति अऊ खाद्य विभाग मंत्री श्री अमरजीत भगत घलोक उपस्थित रहिन।
जानबा हे कि ये रैली 14 दिसंबर के राज्य के दू सिरा ले उत्तर के कोरिया जिला के सीतामढ़ी-हरचौका अऊ दक्षिण स्थित सुकमा जिला के रामाराम ले शुरु होए रहिस। ये रैली ह राज्य म 1575 किलोमीटर के कुल दूरी तय करे हे। सुकमा ले अवइया रैली ह राजिम होत रायपुर जिला के नयापारा म प्रवेश करिस। अइसनहे कोरिया ले अवइया रैली ह महासमुन्द जिला तीर महानदी ब्रिज पार करके रायपुर जिला म प्रवेश करिस। ग्राम बैहार म दुनों रैली मन के सम्मिलन होइस, जिहां ले दुनों बाइक रैली एक संग जुड़ के मंदिर हसौद होत माता कौशल्या के पावनधरा चंदखुरी पहुँचिस।