रायपुर, 30 अगस्त 2024। मुख्यमंत्री श्री विष्णुदेव साय ले ऊंखर निवास कार्यालय म चंद्रनॉहू कुर्मी क्षत्रीय समाज कवर्धा राज के प्रतिनिधिमंडल ह सौजन्य मुलाकात करिस। मुख्यमंत्री ल प्रतिनिधिमंडल ह चंद्रनॉहू कुर्मी क्षत्रीय समाज के वार्षिक केंद्रीय अधिवेशन म सामिल होए के नेवता दीन।
मुख्यमंत्री श्री साय ल चंद्रनॉहू कुर्मी क्षत्रीय समाज के सदस्य मन ह बताइन के ए साल समाज के केंद्रीय अधिवेशन कबीरधाम जिला म 14 अउ 15 सितमबर के आयोजित करे जात हे। मुख्यमंत्री श्री साय ह चंद्रनॉहू कुर्मी क्षत्रीय समाज के सदस्य मन ल केंद्रीय अधिवेशन के नेवता बर धन्यवाद देवत कार्यक्रम के सफल आयोजन बर शुभकामना दीन।
ए बेरा म चंद्रनॉहू कुर्मी क्षत्रीय समाज के प्रदेश अध्यक्ष श्री विनोद चन्द्राकर, श्री मोतीराम चन्द्रवंशी, श्री अजीत चन्द्रवंशी, श्री कैलाश चन्द्रवंशी, श्री राजेन्द्र चन्द्रवंशी, श्री दिनेश चन्द्रवंशी, श्री रामविलास चन्द्रवंशी, श्री कुलेश्वर चन्द्रवंशी संग बहुत अकन मनखे उपस्थित रहिन।
