मुख्यमंत्री ह स्वर्गीय श्री चंदूलाल चंद्राकर के पुण्यतिथि म ओ मन ल करिन नमन

रायपुर, मुख्यमंत्री श्री भूपेश बघेल ह छत्तीसगढ़ के प्रखर पत्रकार अऊ पूर्व सांसद स्वर्गीय श्री चंदूलाल चंद्राकर के 2 फरवरी के पुण्यतिथि म ओ मन ल नमन करिन। श्री बघेल ह श्री चंद्राकर के अमूल्य योगदान के सुरता करत कहिन कि छत्तीसगढ़ के माटी पुत्र चंदूलाल जी ह लोकसभा म सांसद रहत महत्वपूर्ण विभाग मन के मंत्री पद के दायित्व सम्हालत देश अऊ प्रदेश के सेवा करिन। छत्तीसगढ़ राज्य निर्माण सर्वदलीय मंच के अध्यक्ष के रूप म उमन छत्तीसगढ़ राज्य आंदोलन ल नवा दिशा प्रदान करिन।
मुख्यमंत्री श्री बघेल ह कहिन कि चंदूलाल जी मूल्य आधारित निष्पक्ष अऊ निर्भीक पत्रकारिता बर घलोक जाने जाथें। कई ज्वलंत मुद्दा मन म उमन निडरता ले अवाज उठाईन। उमन अपन प्रखर व्यक्तित्व अऊ निर्भीक पत्रकारिता ले देश म छत्तीसगढ़ के नाम रोशन करिन। राज्य सरकार ह उंखर स्मृति म पत्रकारिता के क्षेत्र मे चंदूलाल फेलोशिप स्थापित करे हे ताकि पत्रकारिता के आगामी पीढ़ी तक ऊंखर संस्कार जा सकय। मुख्यमंत्री ह कहिन कि मातृभूमि बर सेवा भावना, ऊंखर अमूल्य विचार नवा पीढ़ी ल हमेशा प्रेरित करत रइही।