21 साल के नोनी 28 दिन बाद पूरा स्वस्थ होके लहुटिस, 70 तक पहुंच गए रहिस सैचुरेशन

– चंदूलाल चन्द्राकर कोविड केअर हॉस्पिटल म रहिस भर्ती, आज होइस डिस्‍चार्ज
दुर्ग, 15 मई 2021। कोविड के दुसर लहर ह जवान मन ल घलोक अंधेर संक्रमित करत हे। अड़बड़ झन युवा एखर संक्रमण के शिकार होवत हें, फेर बने बात ये हे के बने इलाज के सेती प मन अइसन संक्रमण के चुंगुल ले बाहिर घलोक आवत हें। चंदूलाल चंद्राकर कोविड केयर हॉस्पिटल म अइसनहे जूली के संग घलोक होइस। जूली सिरिफ 21 साल के लड़की ये जेन संक्रमण के शिकार हो गए रहिस। जब जूली ल चंदूलाल चंद्राकर केयर हॉस्पिटल म लाए गीस ओ समय ओखर ऑक्सीजन लेवल 70 रहिस। 28 दिन के इलाज के बाद जूली डिस्चार्ज हो गीस अऊ अब जूली के ऑक्सीजन लेवल 95 हे।
कोविड केयर हॉस्पिटल के मेडिकल ऑफिसर डॉ. अनिल शुक्ला ह बताइस के जब जूली के एडमिशन होइस ओ समय ओखर स्थिति गंभीर रहिस डॉक्टर मन वोकर बर जरूरी मेडिसिन प्लान करिन, धीरे-धीरे राहत मिलत गीस अऊ अब जूली पूरा संक्रमण ले बाहिर हो गे अऊ स्वस्थ हे। ओ ल पोस्ट कोविड केयर एक्सरसाइज के बारे म घलव बताइए गए हे। जूली के पिता ह चर्चा म बताइस के हमला जतका भरोसा सहिस वोकर ले घलोक जादा अच्छा इलाज अऊ अतका अच्छा केयर इहां मिलिस। इहां के हॉस्पिटल स्टाफ बहुत सहयोगी हें। डॉक्टर्स दे ले तीन बार राउंड लगाथे अऊ मरीज के पैरामीटर उपर पूरा नजर रखथें। इहां अस्पताल के अनुभव बहुत अच्छा हे खाए पीए के व्यवस्था घलोक बहुत बढि़या हे।
जानबा हे के चंदूलाल चंद्राकर कोविड केयर हॉस्पिटल म 25 बेड के आईसीयू घलोक शुरू होए हे। इहां सबो बेड म वेंटिलेटर के सुविधा उपलब्‍ध हे अऊ आईसीयू केयर स्टाफ 24 घंटा बर विशेषज्ञ डॉक्टर मन के संग उपलब्‍ध हे। एखर चलते अब अंधेर क्रिटिकल मरीज मन ल शंकराचार्य हॉस्पिटल म शिफ्ट करे के जरूरत नइ परत हे। जानबा इहू हे के कोविड संक्रमण के स्थिति ल देखत हॉस्पिटल म तेजी ले ऑक्सीजन बेड अऊ अकतहा हॉस्पिटल मैनेजमेंट स्टाफ के इंतजाम करे गए हे। एखर से मरीज मन के रिकवरी अड़बड़ तेज हो गए हे अऊ बहुत अकन गंभीर मरीज मन बेहतर हालात म रिकवर होके घर लहुटत हें।