पीएम-जनमन से मिलत हे सुरक्षित जीवन अउ सुनहरा भविष्य – कमार जनजाति के जीवन म बोहाए लगिस बदलाव के पुरवाही

महासमुंद, मुख्यमंत्री श्री विष्णु देव साय के अगुवइ म राज्य शासन कोति ले कई वर्ग के कल्याण बर बनाए गए योजना मन के उचित क्रियान्वयन करके आम जनता ल लाभ पहुंचाए जावत हे। प्रधानमंत्री जनजातीय न्याय आदिवासी महाअभियान (पीएम-जनमन) जनजातीय समाज ल मुख्यधारा ले जोड़े अउ उंखर सर्वांगीण विकास बर भारत सरकार कोति ले शुरू करे गए हे। ये योजना महासमुंद जिला के कमार जनजातीय परिवार के जीवन म आशा, आत्मबल अउ आत्मसम्मान के नवा संचार करत हवय।
ए योजना विशेष रूप ले पिछड़ी जनजाति मन ल बुनियादी सुविधामन ले जोड़े के एक समर्पित पहल हे, जेहर अब केवल एक सरकारी कार्यक्रम नही बल्कि समुदाय के भीतर जागरूकता, आत्मनिर्भरता अउ गरिमा के आधार बन गए हवय।
विशेष रूप ले पिछड़ा जनजातीय कमार समुदाय, जेमन कई बछर ले जंगल म रहके आजीविका चलावत हें अउ जिंखर जीवन आधुनिक सुविधा ले दूर हे, अब ओमन के जीवन स्तर म तेजी ले सकारात्मक बदलाव आवत हे। ए समुदाय पारंपरिक रूप ले मजदूरी, वन उत्पाद अउ कंद-मूल उपर निर्भर रहे हे।
2015-16 के आधारभूत सर्वेक्षण के मुताबिक, महासमुंद जिला म कुल 923 कमार परिवार हवयं, जेखर आबादी 3309 हवय। ए समुदाय ल कई बछर ले बुनियादी सुविधा जइसे कच्चा मकान, बिजली, पानी, सड़क अउ स्वास्थ्य सेवा ले वंचित रखे गय हवय। पीएम-जनमन के तहत जिला प्रशासन अउ कई विभाग मन कोति ले संघरा चलाए गए विशेष प्रयास ले ए समुदाय के जीवन म उल्लेखनीय सुधार होए हे। घर-घर सर्वेक्षण करके उंखर वास्तविक जरूरत के पहचान करे गए हे अऊ ओ मन ल योजना मन ले जोड़े गए हे।
अब 330 परिवार मन ल बिजली कनेक्शन प्रदान करे गे हे, जेखर से रात म पढ़ई संभव होए हे अऊ जहरीला जीव-जंतु मन ले राहत मिले हे। 314 परिवार मन ल प्रधानमंत्री नल-जल योजना के तहत शुद्ध पेयजल के सुविधा मिले हे, जेखर से गंदा पानी ले होवइया बेमारी म कमी आए हे। प्रधानमंत्री आवास योजना के अंतर्गत 678 कच्चे मकान म ले 405 ल पक्का मकान मिल चुके हे अऊ बाकी निर्माणाधीन हे। 75 सुदूर बस्ती म आंगनवाड़ी, स्वास्थ्य सेवा अऊ विद्यालय के शुरुआत हो चुके हे, जेखर से लइका मन के नामांकन बढ़े हे अऊ प्रसव जइसे स्वास्थ्य सेवा सुलभ होए हे। अब हर परिवार के राशन कार्ड, आधार कार्ड, आयुष्मान कार्ड बन चुके हे। बैंक खाता खोले के काम घलो लगभग पूरा हो चुके हे, जेखर से पेंशन, छात्रवृत्ति अऊ सहायता सीधा सरकारी खाता म पहुंचत हे। 26 सड़क रहित बस्ती म सड़क के निर्माण चलत हे, जऊन ले ए क्षेत्र मन ल मुख्यधारा ले जोड़े जा सकही।
मोबाइल टावर के स्थापना स्वीकृत हो गे हे, जेकर से अब डिजिटल सेवा दूर-दराज तक पहुंचही। राशन कार्ड बने के बाद अब हर परिवार ल हर महिना 35 किलो चावल मुफ्त म मिलत हे, जेकर से खाद्य सुरक्षा सुनिश्चित होए हे अऊ लइका मन स्कूल जावत हें। आयुष्मान भारत योजना के माध्यम ले 5 लाख रूपिया तक के मुफ्त चिकित्सा सुविधा अब ग्राम स्तर म उपलब्ध हे। एखर अलावा, महिला मन ल महतारी वंदन योजना सहित अन्य कल्याणकारी योजना मन के लाभ मिलना शुरू हो गए हे, जेखर से परिवार म आर्थिक स्थिरता आए हे। जिला म दु ठन बहुउद्देशीय केन्द्र के निर्माण अंतिम चरण म हे, जिहां आंगनवाड़ी, स्वास्थ्य केंद्र, रसोई, खेल मैदान अऊ किचन गार्डन जइसे सुविधा एके परिसर म उपलब्ध होही। आज कमार समुदाय गर्व के साथ कहिथे के अब ओ मन केवल लाभार्थी ही न ही बल्कि समाज के सक्रिय अऊ सम्मानित भागीदार बन चुके हे। पीएम-जनमन ह उंखर जीवन म बदलाव के ओ बयार लाय हे, जेन कइ बछर के उपेक्षा ल पीछे छोड़ के ओ मन ल अंलोर कोति आगू करत हे।