कम मेहनत, कम लागत, बंपर मुनाफा: पाम ऑयल खेती ले बदलव किस्मत

बीजापुर, खेती म कम मेहनत अऊ कम खर्च म जादा कमाई के सपना अब सच होवत हे। पाम ऑयल मने पाम तेल के खेती किसान म बर वरदान बनत जात हे। बीजापुर जिला के ग्राम रेड्डी म पाछू 9 जून के ऑयल पाम पौधरोपण के शुभारंभ होइस, जेमां प्रियूनिक एशिया प्राइवेट लिमिटेड, हैदराबाद के डायरेक्टर डॉ. प्रसाद राव पासम, उद्यान विभाग के सहायक संचालक श्री राम चंद्र राव अऊ स्थानीय किसान मौजूद रहिन।
ए बेरा म ग्राम रेड्डी के किसान श्री रतनैया मरकाम अऊ श्री संजय हेमला के खेत म कुल 286 ऑयल पाम पौधा लगाए गीस। पौधारोपण के ये काम भारत सरकार के नेशनल मिशन ऑन एडीबल ऑयल-ऑयल पाम योजना के तहत छत्तीसगढ़ सरकार के सहयोग ले करे जात हे।
ए योजनांतर्गत किसान मन ल सिरिफ पौधा ही न ही, बल्कि ऊंखर रखरखाव, बीच म दुसर फसल लेहे, बोरवेल अऊ बिजली पंप जइसे सुविधा मन बर घलोक सरकारी अनुदान देहे जात हे। खास बात ये हे के ऑयल पाम ले प्रति हेक्टेयर 3 ले 4 लाख रुपिया तक के सालाना आय हो सकत हे।
जानबा हे के बीजापुर जिला के अलग-अलग गांव मन म जाके ए योजना के जानकारी देहे जात हे। जादा जानकारी बर जिला के इच्छुक किसान अपन नजदीकी उद्यान रोपणी कार्यालय जइसे बैदरगुड़ा, पामलवाया (बीजापुर), गौराबेड़ा (भैरमगढ़), उसूर अऊ पेगड़ापल्ली (भोपालपट्टनम) म संपर्क कर सकत हें।