विकास अऊ शांति के नवा बिहान, पुनर्वास नीति के मिलत हे परसाद

प्रधानमंत्री आवास योजना ले नक्सल प्रभावित परिवार के बदलिस जिंदगी
कोंडागांव, छत्तीसगढ़ राज्य के रजत महोत्सव साल के अवसर म राज्य सरकार 25 बछर के विकास यात्रा के उछाह मनावत हे, संगेच ए अवसर म नक्सल प्रभावित क्षेत्र मन म विकास अऊ पुनर्वास खातिर कई योजना घलोक क्रियान्वित करत हे। इही प्रयास के तहत कोंडागांव जिला के ग्राम केजंग के रहवइया श्री गाड़ोराम नेताम ल प्रधानमंत्री आवास योजना ग्रामीण के विशेष परियोजना के माध्यम ले लाभान्वित करे गीस। श्री नेताम एक आत्मसमर्पित नक्सल पीड़ित परिवार के सदस्‍य ये। शासन के पुनर्वास नीति के अंतर्गत ओ ल साल 2024-25 म 1 लाख 20 हजार रूपिया के अनुदान राशि स्वीकृत करे गए हे। ए अनुदान राशि के मदद ले वो ह अपन पक्का आवास निर्माण पूरा करे हे। पहिली जिहां ओखर परिवार असुरक्षा अऊ कठिनाइ मन के बीच जीवन यापन करत रहिस, उहें अब वोखर पत्नी कलेबाई अऊ बेटी मुन्नी के संग शांतिपूर्वक जिंदगी बसर करत हे।
श्री नेताम भावुक होके कहिथे, पहिली हमार बर दिन बहुत कठिन रहिस, फेर अब अपन घर बन जाय ले जीवन म उत्साह के संचार हो गए हे। शासन के योजना ह हमला नवा आत्मविश्वास देहे हे। मैं हृदय ले मुख्यमंत्री श्री विष्णु देव साय के सरकार ल धन्यवाद ज्ञापित करत हंव।
जानबा हे के मुख्यमंत्री श्री विष्णु देव साय के विजन के मुताबिक राज्य सरकार ह नक्सल प्रभावित क्षेत्र मन म विकास अऊ शांति के स्थापना खातिर कई महत्वाकांक्षी योजना शुरू करे हे। राज्य सरकार हरेक नागरिक तक शासन के योजना मन के लाभ पहुंचाए खातिर अऊ शिक्षा, स्वास्थ्य अऊ घर जइसे मूलभूत सुविधा ठउका करे खातिर हर संभव प्रयास करत हे।
केंद्रीय गृह मंत्री श्री अमित शाह के अगुवई म नक्सलवाद खात्मा के संकल्प अऊ प्रभावित क्षेत्र मन म पुनर्वास के नीति राज्य सरकार के उदीम मन ल अऊ मजबूत बनावत हे। ए नीती मन ले सामाजिक अऊ आर्थिक स्थिरता आए हे, संग में नागरिक मन ल आत्मनिर्भर बनाए के संग ऊंखर जीवन म नवा भरोसा घलोक जागे हे। छत्तीसगढ़ रजत महोत्सव म श्री नेताम के परिवार ल आवास मिलना ये दर्शाथे के राज्य सरकार के योजना जन-जन तक पहुँचत हे अऊ नक्सल प्रभावित क्षेत्र मन म विश्वास, विकास अऊ शांति के नवा बिहनिया लात हे।