छत्तीसगढ़ म बदलीस मौसम, अंबिकापुर म झमाझम बारिश, शहर के कई कॉलोनी म भरिस पानी

अंबिकापुर, 9 अक्टूबर 2020। ​छत्तीसगढ़ म पिछु कुछ दिन ले मौसम म बदलाव होइस। जेखर चलत अलग-अलग जगह म झमाझम बारिश होत हे। अंबिकापुर म अचानक होइस जोरदार बारिश ले शहर के कई कॉलोनी म पानी भर गेहे। जेखर चलत लोगन मन ल दिक्कत के सामना करे पड़त हे।
मौसम विभाग के अनुसार प्रदेश म मानसून के विदाई के समय हे। उहें जात-जात मानसून के असर प्रदेश के कई जगह म दिखत हे। अंबिकापुर के अलावा कवर्धा म घलो पिछु दु तीन दिन ले बारिश होत हे। लगातार बारिश के चलत फसल बर्बाद होय के आंशका बढ़ गेहे। राजधानी रायपुर म घलो पिछु दु तीन दिन ले खंड वर्षा होत हे। शुक्रवार बिहनिया तेज धूप ले लोगन मन ल उमस भरी गर्मी के एहसास होत हे। उहें मंझनिया के बाद मौसम म बदलाव हो गिस। जेखर बाद लोगन ल गर्मी ले राहत मिलिस।