कांकेर, 9 दिसम्बर 2020। महात्मा गांधी नरेगा योजना ले बकरी शेड निर्माण होय ले बकरी पालक श्रीमती बिसाईन के जीवन म बदलाव आए हे। बकरी पालक श्रीमती बिसाईन कांकेर जिला के जनपद पंचायत चारामा अंतर्गत ग्राम पंचायत तारसगांव निवासी हे। जोन अपन परिवार के जीवन यापन बर बकरी पालन करथे लेकिन गरीबी अऊ कम आय के सेती उंखर पास बकरी मन के रख-रखाव बर पक्का आवास नइ रिहिस। बारिश म पानी के टपके अऊ जाड़ के दिन मन म बकरी मन ल होने वाला बीमारी मन ले हमेशा परेशान राहय उहें कई घाव बकरी मन के होने वाला असामायिक मउत घलो उंखर चिंता ल बढ़ा देवत रिहिस। कच्चा आवास के सेती उमन ल बारिश म कच्चा आवास के गिरे अऊ रात म बकरी मन ल जंगली जानवर मन ले बचाए रखे के भय हे, हमेशा बने राहय।
बकरी शेड निर्माण होय ले जिहां श्रीमती बिसाईन अब निश्चिंत होके अपन अऊ अपन परिवार के जीवन यापन करत हे। बिसाईन ल ग्राम पंचायत तारसगांव म मनरेगा योजना के प्रचार-प्रसार ले बकरी शेड, गाय शेड, मुर्गी शेड घलो बनाए जाए के जानकारी मिलिस। उमन बकरी शेड निर्माण बर आवेदन करिन जोन स्वीकृत कर लेहे गिस। मनरेगा योजना ले पंचायत द्वारा हितग्राही के बकरी शेड निर्माण कार्य पूर्ण कराए गिस जेमां हितग्राही ल बनने वाला बकरी सेट निर्माण कार्य म मजदूरी के घलो कार्य मिलिस। बकरी शेड निर्माण होय ले बिसाईन के बकरी मन अब जंगली जानवर मन ले सुरक्षित अऊ बीमारी ले बचे हे। उमन ल मनरेगा योजना अंतर्गत अइसने ही योजना के आवश्यकता रिहिस, जेखर ले श्रीमती बिसाईन के सपना साकार होइस।
