चारागाह विकास कार्यक्रम: किसान मन ल चारा उत्पादन बर देहे जात हे प्रशिक्षण
रायपुर, 18 मार्च 2020। राज्य शासन के महत्वाकांक्षी सुराजी गांव योजना के तहत कोरिया जिला म विकसित करे जात आदर्श गौठान मन म पशुपालन ल ध्यान म रखत ताजा अऊ हरियर चारा के व्यवस्था करे जात हे। जिला प्रशासन कोति ले इहां पशु मन बर पौष्टिक चारा उपलब्ध कराए बर 11 आदर्श गौठान मन म 3 ले 5 एकड़ म चारागाह विकसित करे जात हे। एमां पौष्टिक चारा उपलब्घ कराए बर नेपियर घास, सूडान घास, बहुवर्षीय ज्वार, मक्का अऊ जई के फसल लगाए गए हे। एखर से पूरा क्षेत्र म किसान मन ल दुग्ध उत्पादन बर बेहतर वातावरण बनही। उहें ओ मन ल एखर से अकतहा आमदनी घलोक मिलही। कोरिया जिला म कुल 91,000 नेपियर स्लीप विक्रय करके 1,36,500 रूपिया के आय गौठान समिति मन ल होए हे।
