बलरामपुर, 18 मई 2020। कोरोना वायरस (कोविड-19) के प्रभाव अऊ जारी लॉकडाउन के सेती प्रवासी मजदूर मन के अपन राज्य कोति वापसी के सिलसिला लगातार जारी हे। छत्तीसगढ़ के सीमा कई राज्य ले जुड़े हे अऊ मजदूर मन ए रस्ता मन ले घलोक वापस लहुटत हें। छत्तीसगढ़ ले गुजरइया मजदूर मन ल ऊंखर पांव के तपन कम करे बर ओ मन ल चरण पादुका देहे जात हे। मुख्यमंत्री श्री भूपेश बघेल के मंशा के मुताबिक प्रवासी मजदूर मन के हित ल ध्यान म रखत सीमा के चेक पोस्ट संग आवागमन बर चिन्हित रास्ता मन म मजदूर मन के सहायता बर उचित प्रबंध करे गए हे। बलरामपुर-रामानुजगंज के सीमा घलोक 03 राज्य ले जुड़थे, इहां ले बड़ संख्या म मजदूर मन गुजरत हें। जिला प्रशासन ह शुरू ले ही मजदूर मन के हर संभव सहायता कत हे अऊ ओ मन ल भोजन, पानी, चरण पादुका के वितरण अउ स्वास्थ्य संबंधी व्यवस्था करत हे।
छत्तीसगढ़ ले जावत आन राज्य के मजदूर मन के पांव के तपन कम करे बर देहे जात हे चरण पादुका
