डुमरबहाल म चेक डेम निर्माण ले स्थानीय किसान मन के समस्या के होइस समाधान

गांव म भू-जल स्तर म सुधार अऊ निस्तारी खातिर भरपूर जगा उपलब्ध
गरियाबंद, जिला स्थित ग्राम पंचायत डुमरबहाल म डेम निर्माण ले स्थानीय किसान मन के समस्या के समाधान होय हे। उहें अब गांव म भू-जल स्तर म सुधार होए के संग निस्तारी खातिर घलोक भरपूर जगा उपलब्ध हो गए हे।
जानबा हे के डुमरबहाल ग्राम जनपद पंचायत देवभोग ले 12 किलोमीटर अऊ जिला पंचायत ले 142 किलोमीटर के दूरी म स्थित हे। डुमरबहाल गांव के क्षेत्रफल 1421.25 एकड़ अऊ आबादी लगभग 2400 हे। गांव म खेती-किसानी के रकबा जादा होए के बाद घलव पानी के कमी के सेती किसान अपन फसल के अच्छा लाभ नइ ले पात रहिन। ग्राम सभा के माध्यम ले महात्मा गांधी नरेगा योजना के तहत चेक डेम निर्माण के जानकारी गांव वाले मन ल देहे गीस। संगेच बताए गीस के चेक डेम निर्माण होए ले बारिश के पानी संचयित करे जा सकही। ए पानी के उपयोग फसल के सिंचाई म करे जा सकत हे, जेखर से फसल ल भरपूर नमी मिलही अऊ कम वर्षा या अंतराल के दिन म घलोक फसल मन ल सिंचित करे जा सकत हे।