रायपुर, 09 जुलाई 2024। मुख्यमंत्री श्री विष्णु देव साय के कैबिनेट म शासकीय समान मन के खरीदी गड़बड़ी अऊ भ्रष्टाचार के रोकथाम के मद्देनजर आज एक बड़का फैसला लेहे हे। कैबिनेट ह सीएसआईडीसी के माध्यम ले खरीदी म भ्रष्टाचार के शिकायत ल देखत ए सबो रेट कान्ट्रेक्ट ल जुलाई महिना के आखरी तक निरस्त करे के निर्णय ले हे। जानबा हे कि पूर्ववर्ती सरकार ह जेम पोर्टल ले खरीदी उपर रोक लगा दे रहिस, शासकीय सामान के खरीदी म दिक्कत, गुणवत्ता के अभाव अउ भ्रष्टाचार के शिकायत काफी बढ़ गए रहिस।
साय सरकार ह एला गंभीरता से लेत न सिरिफ भ्रष्टाचार उपर लगाम लगाय के फैसला ले हे, बल्कि जेम के माध्यम ले खरीदी के व्यवस्था ल फेर बहाल करके शासकीय सामान के खरीदी म पारदर्शिता सुनिश्चित करे हे। विष्णु सरकार के ये फैसला सुशासन के दिशा म एक अऊ सुग्घर कदम हे।
