रायपुर, मुख्यमंत्री श्री भूपेश बघेल ह उत्तर भारतीय अऊ भोजपुरी समाज संग जम्मो प्रदेशवासी मन ल छठ महापर्व के बधाई अऊ शुभकामना देहे हें। ये बेरा म उमन सबो मनखे मन के सुख, समृद्धि अऊ खुशहाली के मंगल कामना करे हें। श्री बघेल ह अपन शुभकामना संदेश म कहे हें कि छठ पूजा सुरुज देव के प्रति कृतज्ञता अऊ आभार प्रकट करे के पर्व हे। ये पर्व भाईचारा, सामुदायिक सौहार्द लाय के संगें-संग मनखे मन ल प्रकृति के करीब लाथे। ये पर्व म सुरुज अऊ छठी मइया के उपासना करे जाथे।
श्री बघेल ह कहिन कि छठ पर्व म माता अऊ बहिनी मन कठिन तपस्या करके परिवार के बेहतरी अऊ सुख-समृद्धि बर नदी, तालाब के पर म सुरुज ल अर्ध्य देके मंगल कामना करे जाथे। भारत के कई प्रदेश के समान छत्तीसगढ़ म घलोक बड़ संख्या म मनखे छठ पूजा करथें। मनखे मन के धार्मिक आस्था अऊ भावना के सम्मान करत बिहार के बाद छत्तीसगढ़ म छठ पूजा के दिन सार्वजनिक अवकाश घोषित करे गए हे।
#छठ_पूजा की हार्दिक शुभकामनाएं। pic.twitter.com/fEqOhmUIz9
— Bhupesh Baghel (@bhupeshbaghel) October 25, 2017
