रायपुर, मुख्यमंत्री श्री भूपेश बघेल ले ऊंखर भिलाई स्थित निवास म मंगल के दिन छठ महापर्व आयोजन समिति, महादेव घाट रायपुर के प्रतिनिधि मंडल ह समिति के प्रमुख श्री राजेश कुमार सिंह के अगुवई म सौजन्य मुलाकात करिस। उमन मुख्यमंत्री ल खारुन नदी के महादेव घाट म आयोजित होवईया छठ पूजा म संघरे के नेवता दीन। मुख्यमंत्री ह ऊंखर नेवता ल झोंकत कहिन कि राजधानी रायपुर के पौराणिक हटकेश्वर महादेव धाम म पवित्र खारून नदी के महादेव घाट म मनाए जाने वाले छठ पर्व के अपन एक विशेष आकर्षण हे। उमन आयोजन के सफलता बर छठ रहवईया मन ल शुभकामना दीन।
छठ पूजा आयोजन समिति के प्रमुख श्री राजेश कुमार सिंह ह बताइस कि चार दिन के छठ पूजा पर्व 28 अकटूबर ले 31 अकटूबर तक मनाए जाही। ये साल नहाय-खाय 28 अकटूबर के मनाए जाही। लोहंडा अउ खरना 29 अकटूबर के होही, संझा अर्ध्य 30 अकटूबर के होही अऊ उषा अर्ध्य 31 अकटूबर के होही।
ये बेरा म संसदीय सचिव श्री विकास उपाध्याय, समिति के सदस्य सर्वश्री सुनील सिंह, कन्हैया सिंह, शिवशंकर सिंह, अजय सिंह, अनिल सिंह अऊ आन सदस्य उपस्थित रहिन।
मुख्यमंत्री ले छठ महापर्व आयोजन समिति, महादेव घाट रायपुर के प्रतिनिधि मण्डल ह करिस मुलाकात
