रइपुर 25 जून 2021 शुकवार। रइपुर के एक ठो निजी विश्वविद्यालय म 2 झिन छात्रा मन महिला आयोग म शिकायत करे हे कि वोमन संस्थान म बी.एड प्रथम वर्ष म प्रवेश बर विश्वविद्यालय के नियमानुसार दू किस्त म फीस के पूरा राशि जमा करे रिहिन। मार्च 2021 म उन ल पता चलिस कि उन्कर प्रवेश निरस्त होगे हे एकर सेति उन्कर बए बछर के शैक्षणिक कार्यकाल के नुकसान होगे।
महिला आयोग के अध्यक्ष ह विश्वविद्यालय के अइसन बूता म अबड़े नाराज होवत कहीन कि छात्र मन के भविष्य ले खेेलाहुर करना गैर जिम्मेदाराना हे। छात्र मन के ये एक बछर के बेरा के भरपाई करना असंभव हे । भविष्य अइसन गलती झन दोहराही अउ छात्र मन ल उन्कर जमा फीस ल लहुटावय अउ क्षतिपूर्ति के रूप म 10-10 हजार रूपिया तुरते देहे के हुकुम देहे हे । महिला आयोग अध्यक्ष ह कहीन कि छत्तीसगढ़ म कोनो भी शैक्षणिक संस्थान गलती झन दुहरावय एकर धियान रखय।
