छत्तीसगढ़ राज्य म ऑक्सीजन के कोई कमी नइ हे

रइपुर, 16 अप्रैल 2021 शुकवार । छत्तीसगढ़ राज्य म कोरोना संक्रमित अउ आने गंभीर बीमारी मन ले पीडि़त मरीज मन बर ऑक्सीजन गैस के कोई कमी नइ हे । 15 अप्रैल के स्थिति म राज्य म प्रतिदिन 386.92 मीट्रिक टन ऑक्सीजन गैस के उत्पादन राज्य म होवत हावय, जबकि वर्तमान म ऑक्सीजन सपोर्ट वाले 5 हजार 898 मरीज मन बर प्रतिदिन 110.30 मीट्रिक टन ऑक्सीजनेच के जरूरत परत हवय ।
राज्य के सबो शासकीय अउ निजी चिकित्सालय मन म मांग के अनुरूप ऑक्सीजन गैस के सरलग आपूर्ति करे जावत हावय । कोरोना पीडित मरीज मन के मउत गंभीर संक्रमण अउ बीमारी के कारण होवत हावे। ऑक्सीजन के कमी ले मरीज मन के मउत के बात बिल्कुल भ्रामक हे।
स्वास्थ्य विभाग से मिले जानबा के अनुसार राज्य म कुल 29 प्लांट डाहर ले 386.92 मीट्रिक टन ऑक्सीजन के उत्पादन करे जावत हावय, जबकि वर्तमान म मात्र 110.30 मीट्रिक टन ऑक्सीजन गैसेच के उपयोग ऑक्सीजन सपोर्ट वाले मरीज मन बर होवत हावय ।