रायपुर, 22 फरवरी 2024। स्कूल शिक्षा मंत्री श्री बृजमोहन अग्रवाल ह SCERT संचालक श्री राजेंद्र कटारा ल राज्य म लउहे शिक्षक पात्रता परीक्षा (TET) आयोजित कराए के निर्देश देहे हें। शिक्षा मंत्री श्री अग्रवाल के निर्देश के बाद SCERT ह व्यावसायिक परीक्षा मंडल (व्यापमं) ल चिट्ठी लिखके राज्य म लउहे टीईटी परीक्षा के आयोजन करे बर कहे हें। श्री अग्रवाल के कहना हे कि उमन विधानसभा म राज्य म 33 हजार शिक्षक (गुरूजी) के भर्ती के घोषणा करे रहिन। उही कड़ी म राज्य म टीईटी के परीक्षा के आयोजन के तैयारी हेवत हे। हमर सरकार म कोनो युवा के संग अन्याय नइ होवय। जादा ले जादा युवा भर्ती प्रक्रिया म सामिल हो सकय एखर बर टीईटी परीक्षा के आयोजन के तैयारी करे जात हे। उमन कहिन कि परीक्षा ल पूरा पारदर्शिता के संग आयोजित करे जाही।
जानबा हे कि छत्तीसगढ़ म करीब तीन साल ले टीईटी परीक्षा के आयोजन नइ होय हे, जेखर सेती शिक्षक बने के सपना देखइया युवा मन म अड़बड़ निराशा हे, जेखर चलते युवा अभ्यर्थी शिक्षा मंत्री श्री बृजमोहन अग्रवाल ल राज्य म टीईटी परीक्षा आयोजित करे बर ज्ञापन सौंपे रहिन।
छत्तीसगढ़ म 33 हजार शिक्षक (गुरूजी) के भर्ती के तैयारी सुरू
