सूचना-प्रसार के दिशा म छत्तीसगढ़ बनिस रोल मॉडल

छत्तीसगढ़ संवाद अउ जनसंपर्क विभाग के कार्यप्रणाली ह महाराष्ट्र के अधिकारी मन ल करिस प्रभावित
रायपुर, महाराष्ट्र सरकार के जनसंपर्क अऊ सूचना विभाग के वरिष्ठ अधिकारी मन के एक अध्ययन दल 5 ले 7 अगस्त 2025 तक तीन दिन के दौरा म छत्तीसगढ़ आए रहिन। ए दौरा के उद्देश्य छत्तीसगढ़ शासन कोति ले सूचना, जनसंपर्क अऊ शासकीय योजना मन के प्रचार-प्रसार के क्षेत्र म करे जात एकदम नवा नवाचार अऊ प्रभावी कार्यप्रणाली मन के प्रत्यक्ष अवलोकन अऊ अध्ययन करना रहिस।
अध्ययन दल म महाराष्ट्र शासन के उप सचिव श्रीमती समृद्धि अंगोलकर, निदेशक श्री किशोर गंगरडे संग कुल छह वरिष्ठ अधिकारी सामिल रहिन। दल ह छत्तीसगढ़ शासन के जनसंपर्क विभाग अऊ ओखर सहायक संस्था छत्तीसगढ़ संवाद के संपूर्ण कार्यप्रणाली के अध्ययन करिस।
भ्रमण के समय अधिकारी मन ह ई-न्यूज़ क्लिपिंग, ई-आरओ सिसटम, ई-पब्लिकेशन, पत्रकार अधिमान्यता प्रणाली, अऊ पत्रकार मन के कल्याण बर संचालित योजना मन के गहन अध्ययन करिन। एखर संगेच उमन छत्तीसगढ़ संवाद के संगठनात्मक संरचना, संचालन तंत्र अऊ तकनीकी नवाचार मन के कई ठन पहलु मन के परखर जानकारी घलोक प्राप्त करिन।
एखर अवसर म अध्ययन दल ह जनसंपर्क विभाग के आयुक्त डॉ. रवि मित्तल ले सौजन्य मुलाकात करिन। जनसंपर्क आयुक्त डॉ. मित्तल ह कहिन के छत्तीसगढ़ जनसंपर्क विभाग के ये सरलग ये उदीम रहे हे के शासकीय योजना अऊ जनहितकारी नीति मन के जानकारी आम जनता तक जल्दी, पारदर्शी अऊ प्रभावशाली ढंग ले पहुँचय। सूचना के क्षेत्र म तकनीक अऊ मानवीय दृष्टिकोण के संतुलित समावेशन ह हमर कार्यप्रणाली ल विशिष्ट बनाए हे। ये हमार बर प्रसन्नता के बात हे के आन राज्य घलोक हमार नवाचार म रुचि लेवत हे। ये अनुभव-साझाकरण एक सकारात्मक अऊ रचनात्मक दिशा म उठाए गए कदम हे।