रायपुर, 02 जून 2020। मुख्यमंत्री श्री भूपेश बघेल ले आज इहां ऊंखर निवास कार्यालय म छत्तीसगढ़ ब्राम्हण युवा परिषद के प्रतिनिधिमंडल ह सौजन्य मुलाकात करिन। प्रतिनिधिमंडल म सामिल सदस्य मन ह नालन्दा परिसर के नामकरण स्वर्गीय महादेव प्रसाद पांडेय के नाम म कर के उंखर स्मृति चिरस्थायी करे बर श्री बघेल के आभार जताइन अऊ सम्मान स्वरूप ओ मन ल प्रशस्ति-पत्र भेंट करिन। प्रतिनिधिमंडल ह मुख्यमंत्री सहायता कोष म कोरोना महामारी ले पीड़ित मनके मदद बर 21 हजार के चेक मुख्यमंत्री ल सौंपिन। मुख्यमंत्री श्री भूपेश बघेल ह कहिन के स्वतंत्रता संग्राम सेनानी स्वर्गीय श्री महादेव प्रसाद पांडेय छत्तीसगढ़ के माटी-पुत्र रहिन। देश के आजादी बर ओखर योगदान अविस्मरणीय हे। ये बेरा म श्री विकास तिवारी, श्री विक्रम शर्मा, श्री सागर शर्मा, श्री आयुष शुक्ला संग छत्तीसगढ़ ब्राम्हण युवा परिषद के बहुत अकन पदाधिकारी उपस्थित रहिन।
मुख्यमंत्री ल छत्तीसगढ़ ब्राम्हण युवा परिषद ह करिस सम्मानित : नालन्दा परिसर के नामकरण स्व. महादेव प्रसाद पांडेय के नाम म करे म जताइन आभार
