रायपुर, 06 जुलाई 2024। मुख्यमंत्री श्री विष्णु देव साय ह राष्ट्र के अखंडता अऊ समाज के उन्नति बर आजीवन काम करईया महान चिंतक डॉ. श्यामाप्रसाद मुखर्जी जी के जयंती म ओ मन ल नमन करिन। मुख्यमंत्री श्री साय ह कैम्प कार्यालय बगिया म डॉ. श्यामाप्रसाद मुखर्जी के छायाचित्र म श्रद्धासुमन अर्पित करिन।
श्री साय ह कहिन कि देश के एकता ल अऊ जादा मजबूत करे के दिशा म डॉ. श्यामा प्रसाद मुखर्जी के ‘‘अद्वितीय प्रयास’’ बर हर एक भारतीय उंखर ऋणी हे। उमन कहिन कि डॉ. श्यामा प्रसाद मुखर्जी भारत के प्रगति बर कड़ा मेहनत करिन अऊ एक मजबूत अउ समृद्ध राष्ट्र के सपना देखिन। हम ऊंखर सपना ल पूरा करे बर प्रतिबद्ध हन। डॉ. मुखर्जी ह भारतीय राजनीति अऊ समाज के विकास म महत्वपूर्ण भूमिका निभाईन। उमन भारतीय राष्ट्रवाद अऊ सामाजिक न्याय के सिद्धांत ल मजबूत करिन। ऊंखर विचार अऊ आदर्श आज घलोक हमला प्रेरित करथे। ऊंखर आदर्श म चलत हम एक समृद्ध अऊ सशक्त भारत के निर्माण बर संकल्पित हन।
