रायपुर, छत्तीसगढ़ शासन के उच्च शिक्षा विभाग ह कॉलेज मन म शैक्षणिक सत्र 2026-27 बर दाखिला के आखरी तारीख ला बढ़ा के 31 अगस्त 2026 कर दे हे। अब प्रदेश के जेन सरकारी अउ निजी महाविद्यालय मन म सीट खाली हे, उहां छात्र मन 31 अगस्त तक दाखिला ले सकहीं। विभाग ह ए संबंध म विधिवत आदेस जारी कर देहे हे।
उच्च शिक्षा मंत्री श्री टंक राम वर्मा ह कहिन के सरकार के मकसद दूर-दराज अउ ग्रामीण इलाका के कोनो भी होनहार लइका ला उच्च शिक्षा ले वंचित नइ रखना हे। कोनो विद्यार्थी के एक बछर खराब झन होवय, एखर बर छात्रहित ला ध्यान म रखत दाखिला के तारीख बढ़ाय गे हे। बता दन के एखर पहिली प्राचार्य स्तर म 31 जुलाई अउ कुलपति के अनुमति ले 14 अगस्त तक दाखिला के तिथी तय रहिस, जेला अब बढ़ा देहे गे हे।
