मोर पापा चपरासी रहिस, मुख्यमंत्री ह मोला बाबू बना दीस, अइसन होही मै ह सपना म घलो नइ सोचे रहेंव

अब 4 बहिनी मन के संग मां के देखभाल कर पाही कविता
भृत्य पिता के मौत के बाद एक महीना म बेटी ल मिलीस सहायक ग्रेड-3 के अनुकंपा नौकरी
कांकेर, कांकेर के नरहरपुर ग्राम पंचायत के रहइया बिरझूराम मटियारा 34 बछर ले भृत्य के पद म पदस्थ रहिस। बिरझूराम के उपर वोखर पांच बेटी मन के दायित्व रहिस जेन ल वो बने सहिन संभालत आत रहिस, फेर गंभीर बीमारी के सेती बिरझूराम के 22 अप्रेल 2022 के निधन हो गे। बिरझू के बेटी कविता ह शासन के नियम के तहत अनुकंपा नियुक्ति बर कांकेर जिला प्रशासन ल आवेदन इीस।
कविता ल ये भरोसा रहिस कि ओला ओखर पिता के नौकरी मिल जाही, फेर ओला संका रहिस कि ये मा अड़बड़ बेरा लागही। फेर कविता ल ये नइ पता रहिस कि मुख्यमंत्री भूपेश बघेल के राज म राज्य के जनता के हर हित के खयाल रखे जात हे। कविता के आवेदन मिलतेच ओ म तुरंते कार्यवाही शुरू हो गे अऊ एक महीना के भीतरेच कविता ल सहायक ग्रेड-03 के अनुकंपा नियुक्ति दे हेहे गीस।
कविता पतिया नई पावत हे के ये सब सिरिफ एकेच महीना म ही होगे। कविता ये जानके हैरान हो गीस कि ओखर पिता भृत्य रहिस फेर ओला क्लर्क के नौकरी मिलीस। आज कविता ल ओखर नियुक्ति पत्र मिल गे अऊ अब वो अपन चार बहिनी मन के संग अपन मां के पूरा जिम्मेदारी उठाए ल तियार हे। कविता के कहना हे कि वो अभी तक सुनत आत रहिस कि छत्तीसगढ़ के भूपेश सरकार म तुरंते सुनवाई होथे, अऊ आज ओ ह ये देख घलोक डरिस।