रायपुर, 17 जून 2024। उप मुख्यमंत्री श्री अरुण साव इतवार के संझा नवा रायपुर के शहीद वीरनारायण सिंह अंतरराष्ट्रीय क्रिकेट स्टेडियम म छत्तीसगढ़ क्रिकेट प्रीमियर लीग (सीसीपीएल) ccpl cricket chhattisgarh point table के फाइनल मुकाबला देखे ल पहुंचिन। छत्तीसगढ़ म पहली पइत आयोजित ए लीग के फाइनल मैच रायपुर रायनोस अऊ बिलासपुर बुल्स के बीच खेले गीस, जेमां रायपुर रायनोस के टीम चैंपियन बनीस। उप मुख्यमंत्री श्री साव के स्टेडियम पहुंचे म दर्शक मन ह ताली बजाके उंखर स्वागत करिन। श्री साव ह हाथ हला के उहां मौजूद दर्शक मन के अभिवादन करिन।
उप मुख्यमंत्री श्री साव ह सीसीपीएल के फाइनल मुकाबला म कहिन कि ये आयोजन कोनो मायने म आईपीएल ले कम नइ हे। ये मां खिलाड़ी मन ल अपन प्रतिभा देखाय के अच्छा मौका मिलत हे। एखर से निश्चित ही छत्तीसगढ़ ले नवा प्रतिभा आगू आही। श्री साव ह कहिन कि फाइनल मुकाबला देखे बर 20 हजार ले जादा दर्शक पहुंचे हे। ये लीग अऊ राज्य के खिलाड़ी मन के प्रति ऊंखर अपार प्रेम ल दर्शाथे।
श्री साव ह कहिन कि छत्तीसगढ़ के खिलाड़ी श्री शशांक सिंह ह हाले म खतम होए आईपीएल म अपन खेल ले खूब धूम मचाए रहिस। उमन उम्मीद जताईन के सीसीपीएल छत्तीसगढ़ के खिलाड़ी मन बर आईपीएल जइसे बड़े प्लेटफॉर्म्स म खेले के रद्दा खुलही। एखर से राष्ट्रीय अऊ अंतरराष्ट्रीय स्तर म प्रदेश के नाम रोशन होही। सीसीपीएल के निर्देशक श्री बलदेव सिंह भाटिया अऊ श्री विजय शाह, गर्वनिंग काउंसिल के चैयरमैन श्री प्रमोद शंकर शर्मा, छत्तीसगढ़ राज्य क्रिकेट संघ के अध्यक्ष श्री जुबिन शाह अऊ सचिव श्री मुकुल तिवारी घलोक ए दौरान मौजूद रहिन।
