रायपुर, मुख्यमंत्री श्री भूपेश बघेल अऊ छत्तीसगढ़ उच्च न्यायालय के मुख्य न्यायाधीश जस्टिस श्री अरूप कुमार गोस्वामी के उपस्थिति म काली व्ही.आई.पी. गेस्ट हाउस पहुना म बैठक आयोजित करे गीस। बैठक म छत्तीसगढ़ के उच्च न्यायालय संग प्रदेश के न्यायालय मन म सुविधा बढ़ाए, न्यायालय मन म आई.टी. के अऊ जादा प्रभावी उपयोग, ई-कोर्ट अऊ ई-चालान प्रणाली के प्रगति, कोर्ट म डॉक्टर मन के वीडियो कॉन्फ्रेंसिंग के माध्यम ले उपस्थिति संग उच्च न्यायालय अऊ छत्तीसगढ़ के न्यायालय मन ले संबंधित कई ठन विषय मन उपर विचार-विमर्श करे गीस। बैठक म विधि अऊ विधायी मंत्री श्री मोहम्मद अकबर, हाईकोर्ट के रजिस्ट्रार जनरल श्री संजय जायसवाल, उच्च न्यायालय के रजिस्ट्री अधिकारी, मुख्य सचिव श्री अमिताभ जैन, अपर मुख्य सचिव श्री सुब्रत साहू संग उच्च न्यायालय अऊ राज्य शासन के संबंधित अधिकारी उपस्थित रहिन।
जानबा हे कि छत्तीसगढ़ के न्यायालय मन म न्यायिक प्रक्रिया ल नागरिक मन बर सुविधाजनक अऊ पारदर्शी बनाए अऊ नागरिक मन ल लउहे ऑनलाइन जानकारी उपलब्ध कराए बर सूचना प्रौद्योगिकी के उपयोग करे जात हे।
छत्तीसगढ़ के न्यायालय मन म आई.टी. के अऊ जादा प्रभावी उपयोग, ई-कोर्ट, ई-चालान प्रणाली के प्रगति म विचार-विमर्श
