कुपोषण के खिलाफ लड़ाई म स्त्री-पुरुष मन के बीच गैर बराबरी बड़का बाधा
रायपुर, छत्तीसगढ़ के मुख्यमंत्री श्री भूपेश बघेल ह कहिन कि उंखर सरकार छत्तीसगढ़ ल कुपोषण के चक्कर ले छोड़ा के सुविकसित, सुपोषित अऊ स्वस्थ राज्य बनाए के सपना सच करे बर कटिबद्ध हे। श्री बघेल काल नई दिल्ली के विज्ञान भवन म आउटलुक पत्रिका कोति ले आयोजित कुपोषण संगोष्ठी के उद्घाटन सत्र ल सम्बोधित करत रहिन। उमन ये घलोक कहिन कि कुपोषण के खिलाफ लड़ाई म स्त्री-पुरुष मन के बीच के भेद-भाव एक बड़का बाधा हे। पोषण आहार के मामला म ये गैर बराबरी ल घलोक दूर करना होही। संगोष्ठी म बस्तर के सांसद श्री दीपक बैज अऊ राज्य सभा सदस्य श्रीमती छाया वर्मा घलोक उपस्थित रहिन।
मुख्यमंत्री ह कहिन कि ओ मन ल प्रसन्नता हे कि जाति-धर्म जइसे समाज ल बंटइया मुद्दा मन के बजाय हम सुपोषण उपर चर्चा करे बर इहां सकलाए हवन। उमन कहिन कि आज हमला चंदा म जाए ले जादा जरुरू अपन धरती म ही जीवन खोजे के हे। उमन कहिन कि छत्तीसगढ़ अऊ देश म कुपोषण के स्थिति चिंताजनक हे अऊ हमन पाछू छै महीना म न्यूट्रीशन गैप ल खतम करे बर कई कदम उठाये हवन। उमन कहिन कि हमर महत्वाकांक्षी नरवा, गुरवा, घुरवा, बाड़ी योजना Narava Garuva Ghuruva Yojana म बाड़ी अर्थात किचन गार्डन के बात एखर सेती के हे ताकि मनखे मन ल ऊंखर घर म ही पौष्टिक भोजन मिलय अऊ कुपोषण ल दूर करे के इंतजाम घरेच हो सकय। हमन हरेली के परंपरागत तिहार म सार्वजनिक अवकाश देके ओला स्थानीय कलेवा ले जोड़े हन। मुख्यमंत्री ह कहिन कि किसान बाजार के अभाव म फल साग भाजी के खेती झन छोड़ दय, ते खातिर हमन हर ब्लाक म फूड प्रोसेसिंग यूनिट लगाय के घलोक योजना बनाय हन। उमन कहिन कि हम छत्तीसगढ़ म यूनिवर्सल स्वास्थ्य योजना Chhattisgarh Universal Helth लागू करे के दिशा म घलोक काम करत हन। किसान मन ल हमन करजा ले मुक्त करे हन अऊ ओ मन ल उपज के सही दाम घलोक देन जेखर से ओ मन अपन परिवार बर पौष्टिक भोजन के घलोक इंतजाम कर सकयं अऊ उंखर आर्थिक सेहत घलोक सुधरय। हमन डीएमएफ ल गैरजरूरी निर्माण के बजाय शिक्षा अऊ सुपोषण ले जोड़े हन।
मुख्यमंत्री ह बताइस कि मिड डे मील म अंडा एक बड़का जरूरत हे, अंडा के पौष्टिकता निर्विवाद हे, हमन एला छत्तीसगढ़ म चालू करेन अऊ जनता के भरपूर संग मिलीस। हमन उन लइका मन बर घलोक वैकल्पिक इंतजाम करेन जऊन अंडा नइ खावयं।
श्री बघेल ह कहिन कि कुपोषण के खिलाफ लड़ाई के कई आयाम हे, कहूं गैरबराबरी चुनौती हे त गरीबी, पौष्टिकता के ज्ञान अऊ राजनीतिक इरादा मन के अभाव घलोक बड़का चुनौती हे। मुख्यमंत्री ह कहिन कि छत्तीसगढ़ म हम कुपोषण के खिलाफ लड़ाई ल अगला चरण म ले जावत हन। हमर लक्ष्य हे कि हम भूख म विजय पावन अऊ सुपोषित छत्तीसगढ़ के निर्माण करन अऊ मोला पूरा विश्वास हे कि हम अपन लक्ष्य हासिल करबोन। विज्ञान भवन म आयोजित ये संगोष्ठी म पोषण के क्षेत्र म काम करइया बहुत अकन अंतराष्ट्रीय अऊ राष्ट्रीय संस्था मन के विशेषज्ञ उपस्थित रहिन।
ये समाचार ल हिन्दी म पढ़व : सच करेंगे सुविकसित, सुपोषित और स्वस्थ छत्तीसगढ़ का सपना – श्री भूपेश बघेल : कुपोषण के खिलाफ लड़ाई में स्त्री-पुरुषों के बीच गैर बराबरी बड़ी बाधा
malnutrition कुपोषण, पोषण की कमी karyotype कुपोषण cacotrophy कैकोट्रोफ़ी, कुपोषण denutrition पोषणभाव, कुपोषण
